佢真係好簡單，眼中只有家庭，所有錢上繳哂家庭戶口，一蚊都冇留俾自己
其實我當初都係咁樣俾佢感動到，但更深入溝通就真係搞唔掂
我唔會離開佢架，只係間唔中呢個問題就會出現，好多年了，都仲係間唔中會咁，可能早d訓就唔會亂諗野啦
個問題咪就係點解你會由得佢乜都一樣？你都可以要求佢陪你有唔同，佢呻你一樣可以呻
妳揀得呢個男人，一定有佢既原因。 好多女人 嫁過有承擔顧家既男人不含知幾難。妳萛幸運
小朋友出世前，都努力過好幾年，但每次都留意到佢有壓力，而家會出埋聲講有壓力，我都有懷疑過係唔係有強迫症自閉症之類，但唔通叫佢去食藥咩
其實有問題既會唔會係你，唔係佢？
你搵d 其他寄託啦
人生唔可以淨係得老公，咁樣佢既壓力好重
1個讚
我人生當然唔係剩係得佢啦，我成日都會出去做part-time，舊公司成日叫我返去頂一頂，亦有好多唔同事務處理緊，都要出去進修，唔係一般匿係屋企嘅師奶
我辭職係我哋共同嘅決定，因為小朋友一定要自己湊，佢太容易有壓力，佢都話唔可以獨力湊小朋友
太太。。你要滿足呀。。唔通你想要多啲驚嚇嗎
所以我一路都唔同意覺得個男人嫁得過就去結婚
婚姻，係需要愛同激情
，否則一世人流流長，點頂得順呢⋯⋯
我成日都好慶幸自己係同「真愛」結婚，同我最愛嘅男人結婚。
不過就算係「真愛」，條路都好難行 
結婚後都大把問題要磨合，如果對個老公唔係真愛，好難行落去。
4個讚
好多時結婚後先知道同個男人住咁難頂，又或者對方係媽寶
咁當然個女人都有責任，要睇清楚啦
1個讚
老公係咪山羊座
咁你其實想聽d 咩？
「係啦，你老公真係唔掂，又悶，抗壓能力又弱，你應該搵過個。」
係咪咁樣？
只可以講，你既然唔諗住離婚，就唔好再呻自己老公有幾差
真正叻既女人有辦法make the best out of it
1個讚
搵到好過依家老公嘅
就真係有本事啦
非常認同
樓主，見樓上好多人講野講到咁mean，忍唔住出句聲。
其實我呀媽係似你種情況，幾廿年婚姻，成日私下話呀爸唔明佢，曾經仲同過我講等我地出身就想離婚。我呀爸又唔係壞人，起碼唔嫖唔酒唔賭唔煙，又錫頭家，平日冇地方去，放工返歸又會做家務。
我以前都唔明呀媽，覺得佢身在福中不知福，次次見佢喊，我都覺得好嫌棄，喊咩喊，有食有住又有老公錫，我地又讀到書，仲喊。
但宜家自己結左婚，開始有少少明明地，呀媽重視伴侶內心既交流大於物質（我估樓主係掛），內心交流唔到，內心就不被滿足，覺得段婚姻有好大缺失。
但係咪我呀爸錯呢？我又唔覺，呀爸都真係算好男人，好愛呀媽，只係佢地兩個某程度上唔夾。
講故到呢度，講埋個結尾。結尾係佢地兩個冇離婚，當我地大個哂出哂身結埋婚，佢地變左有無限多2人世界，呀爸曾經病到好嚴重，都堅持要照顧呀媽到底，好似又真係感動到佢。宜家佢地感情好多以前任何一個時期。
（其實故事主角幾廿歲人都真係幾肉麻，唔好意思，我諗起大台劉松仁同楊怡果套核突劇，如果令大家食唔落飯，就唔好意思）
1個讚
婚姻輔導都有講，女人喺需要一啲驚喜，我都同意樓主嘅諗法。
奈何人嘅性格好難改，你已經選擇咗，佢又唔喺太差，唯有容忍啦。
最壞情況，無曬愛情，你就當佢喺你生活上嘅拍擋。佢俾錢你，幫你解決生活問題，都好好架啦。
愛情嘅嘢，自己睇吓電視劇ff下，曾經有過就算啦。要刺激嘅，等仔女大咗，你就自己去旅行冒險啦。
2個讚
其實有啲時候都會有啲蛛絲馬跡睇到
不過當事人選擇睇唔遮唔
又或者覺得自己影響到佢會「改」。
2個讚
俾唔到心，但好多謝你！