工人45歲，印尼人，比我養到肥肥白白，有個響台灣讀大學既仔，好似21歲。（應該離左婚，佢好少提佢老公）
因為我2個小朋友都長大，唔夠房間；屋企2位老人家唔想再用工人。。。 我唯有同佢斷約。。打算4月底大家結束僱傭關係。佢working visa到4月26日 （好似28日）。。。 如果要離境我唔清楚疫情會點安排。。以前佢好叻，自己過macau玩1日就返黎
呢個工人響我細仔3～4歲左右黎到我屋企，已經幫左我8年；對上一個僱主都用左佢10年。
聽同講廣東話都無問題，為人老實（passport我都由佢自己keep），會問我借錢 3幾千，但有借有還（響人工扣），但佢從來無借財仔 （起碼我8年都無見過財仔信）
慳家慳水慳電，唔算懶（只係我屋企已經無野比佢做），做野都自動自覺，唔算聰明，但聽教聽話
識煮廣東菜 焗麵包 鐘意煮野食 但佢係一個虔誠既穆斯林教徒 會定時定候跪拜 ，好堅守齋戒月， 可能佢真係好虔誠所以真係為人好老實好乖 我人生低潮無助時半夜陪我喊聽我傾訴。
我家2位老人都好健康 所以佢未需要照顧老人，newborn baby都未 handle 過，但幼稚園既小朋友佢就係由我屋企開始
佢真係一個好人，所以我都想幫下佢。可能唯一唔好既，佢都真係肥，但行動自如。
如果有興趣 可以大家傾下。
