我無guts 挑戰 “長輩” ，次次都唯有揀後者…雖然發洩完會覺得佢好無辜好似唔係佢嘅錯咁
我次次都同自己講，下次佢再想來我屋企玩嘢，我一定唔會有忍一定爆佢，我都有阿爸阿媽生。但次次都無勇氣反枱
…
如果已經冇咗愛情，我都會揀2
人生漫漫長路，佢都唔識珍惜我，點解我要屈就去付出我青春
不如去外國重新開始過我想過嘅生活，第時老咗都唔會後悔
我就係要佢知道邊個係主人，尤其是佢個仔同佢冇本事養我
你要硬淨，我字典裡面冇忍呢個字，除咗忍我老細
奶奶？佢老幾？又唔係養我育我
我會搵我女家玩返我老公，不過冇呢個機會，因為我自己已經搞得掂
2個讚
我唔係讚自己，但我由結婚已經好鮮明咁比老公知得罪我死得比得罪佢阿媽十倍百倍，我老公知道我唔高興，一定唔會比佢阿媽好過，所以佢會調停，佢會識做
或者簡單嚟講，我從來都唔會比佢覺得我冇咗佢冇咗段婚姻會幾唔得，無論我幾愛佢
奶奶從來唔會煩到，佢本身係煩人，不過煩佢啲仔多啲
1個讚
你有冇睇過斷背山呢段，個外父好有錢，但講到教仔，男主角爆seed唔比其他外人干預，爆粗少佢外父
任何老人家嚟到我自己用錢／租嘅屋企，都係外人，唔尊重我甚至郁我仔女，輕則開聲少，重則逐客，沒收鎖匙
你去到諗離婚都未爆你老公同奶奶，蝕張啦
比我，爆獲勁，佢哋母子情深話返你，即離
3個讚
反枱喇，我自從反左枱後耳根好清静，以前成日諗住顧全大局忍下俾下面，反哂面後奶奶反而對我仲客氣左。
樓主小朋友得歲幾仲細，我未必會即刻話離婚，但係可以試下搬出黎自己住先，睇下老公咩反應。有時男人只係懶得煩，見老婆順從好似冇乜嘢咁就次次都想老婆忍下多一事不如少一事。
2個讚
成件事好勵志
多謝你比勇氣我
我唔知佢係咪覺得我肯忍佢 (連埋拍拖忍左12年，雖然唔係成日見)，佢成日都好似試緊我底線咁。
上星期我同老公娘家坐完月返自己屋企，老爺奶奶上嚟探B，啱啱我掃緊風，佢第一句就話，乜你掃風咁掃架咩？掃到架？唔係要拍佢架咩？
我好冷靜咁話係我老豆教嘅， so far 呢兩個幾月BB都好好無嘔過奶。跟住我比BB我老公佢又好不屑咁話，我未聽到BB 嗝wor。我答返佢通常我去到一半會比我老公掃下。咁之後我老公又俾返我，我掃到BB舒服瞓著咗，咁我就叫我老公比奶奶掃阿B當同佢親密下。點知佢話，下，我唔識掃風架，以前都係老爺同工人做。之後佢大大力咁樣拍去BB背脊，佢即刻嚇醒咗爆喊。
嗰下我呆左，我都未嚟得切反應我老公就叫佢你細力啲啦。最後我哋教返佢點掃風。
之後佢走咗我好嬲，你都唔識憑乜嘢專家上身喺度教訓我
超委屈
我平時個人好硬淨據理力爭，係對住佢先係咁
唉，我喺出面好硬淨，對住奶奶係因為想老公煩少樣嘢先忍，不過真係忍夠
我當初都係因為湊仔分岐所以同奶奶反枱，成件事最緊要睇你老公點諗，只要老公係撐你既其實根本唔fucking care 奶奶點諗。
你bb而家仲係掃風階段仲細，愈黎愈大只會更多磨擦，同老公打定底，我後黎用年計冇見過我奶奶架喇叫老公自己帶仔女番去應酬佢媽算。
不如諗吓小朋友大咗之後會點？
我就喺一個老豆好差嘅環境大個，基本上由細到大都無咩父愛，只係有佢一個係咁鬧我，我自問童年係好唔開心，我諗如果無咗佢我童年會開心 d。
你小朋友咁細個可能唔識諗，但如果你真係覺得你老公唔識湊仔，即係應該考慮你湊定數字人湊得比較好？我唔知數字人幾老，但老人家湊仔的確係有佢問題（手腳唔靈活、縱容細路、唔識學習方面嘅野等等）。
如果揀二係可以令小朋友童年開心嘅話，點解唔揀？
呢樣已經唔啱：做乜要老公煩少樣？佢有保護過你咩？老母係佢嘅，點解要我受？
對住出面，出糧比我嗰個我收得錢會忍
對住老公同奶奶，我一滴氣都唔受得，我仲要少少嘢就會發威，某程度上我奶奶怕咗我