-
唔離婚，小朋友有好啲嘅條件（可以住大屋，讀私校，有能力去外國讀書），一個表面和諧融洽嘅家庭，但有一個唔開心嘅媽媽
-
離婚，小朋友條件會差左（要搬細屋，讀津校，可能無能力去外國讀書），無左爸爸，但有返一個開心嘅媽媽
唔甘心自己每次都要忍
但相信每個媽媽都想比最好嘅比小朋友
3個讚
背景係出軌有第三者？
生活環境差左其實都唔算差，媽媽精神健康緊要啲。
有無諗過小朋友跟爸爸若果離婚？
我雖然為人母，但自己俾唔到好既環境或將來俾小朋友，我會俾爸爸（當然大前提要睇老公為人同咩原因搞到兩公婆要離婚）
3個讚
小朋友幾大？
FTM?
住大屋，私校，外國讀書真係咁緊要？
所有野都要順曬數字人意
數字人表明唔放棄個仔
媽寶亦唔捨得放棄阿媽
一味叫我忍叫我聽話扮乖
湊仔方面隊友比豬更豬
自己返工讀書瞓覺最緊要
自我中心唔會顧我感受
小朋友歲幾, wm (收入佔全家4成)
唔係話一定要住大屋之類
只係做媽媽嘅都想比小朋友好啲
唔會比爸爸
爸爸唔會理佢
最後又去返數字人手上
數字人係一齊住？
講離婚、首先除左處理家事問題
你同先生之間係咪已經冇曬愛
如果係老人家湊得唔好請姐姐或者拎出去搵信得過嘅人托管得唔得
2個讚
係咪因為生完仔身材外貌變咗又加上湊仔冇乜打扮，有啲男人好衰老婆唔吸引會嫌棄
樓主冇一句係關呢樣嘢事喎、似係婆媳問題個男人唔去處理
10個讚
如果離婚，你係咪有信心爭贏？如果細路跟你，你請工人睇定點？你收入係幾多？
我生完後同老公關係差左
基本上佢唔會湊小朋友
wm+湊小朋友等於返兩份工
但佢唔會體諒
佢係媽寶
數字人太強勢
佢唔會放棄數字人
如果佢肯放棄我唔會諗離婚
如果只係我同爸爸鬥
我絕對有信心贏
爸爸只有財力比我好
照顧小朋友等都唔得
但小朋友主要照顧者係數字人
我要返工就只能請姐姐湊
唔知會唔會影響勝算
我人工ok
租屋請姐姐都負擔到
但其他方面就未必比到小朋友咁好
其實結婚前你已經知？
我覺得係你自己唔成熟，以爲婚後可以改變你老公
難聽d都要講：
你自己無諗清楚就結婚，都算…
生仔前更加要考慮清楚…
你錯嘅決定，累咗小朋友，小朋友最無辜，唔係你。因為你有得揀，佢無得揀爸爸媽媽，無得揀父母會否離婚，全部係硬食。
係呢個情況，你同老公都無外遇出軌，主要似係婆媳問題同老公對小朋友唔上心，你應該係去努力改善問題嗰個…
問題應該係你自己唔識做人（對住99同老公）
你想離婚，自私咗d，將自己擺得太高啦
2個讚
數字人比好多說話你聽? 依D對話/氣氛你認為會影響小朋友成長嗎?
如果會 我覺得同小朋友搬走好D。 可唔可以同公司請一個月假 搬service apartment 安定後接小朋友一齊住 梳理吓 再決定?
P.S. 要請一個可以95%放心嘅工人一啲都唔易呀 特別係而家 我同事 前幾個月請咗個8K以上一個月嘅 上咗工幾個禮拜就貼錢叫佢走 當然 都有好姐姐嘅
1個讚
非常同意
兩公婆相處就算無外界因素（99）都好需要磨合同包容
如果唔係去到已經無感情無愛，難聽d講句就算其中一方出軌，都大把人會選擇原諒同繼續行埋呢條路。
唔係話要委屈自己，而係大家有小朋友後，就唔可以將自己擺得咁高，小朋友係最無辜嘅，乜都硬食。
2個讚
諗下自己點解有份賺錢養家都係家中家庭地位咁低？
要個個都錫你就你，係需要智慧同手段。唔係要你凡事忍忍忍，而係要改變你係家中地位呀
唔好咁傻要因為一個99放棄一個原整家庭同令小朋友單親啦
關係仲差成點？有冇得傾？
同數字人同住定自己住呀？
依檨最重要，如果無愛，咁就簡單啦，分開會更好。
如果仲有愛，而只係99問題，都仲可以諗下點修補下關係，可以搵婚姻輔導嗰啲
如果樓主老公可以醒覺唔做媽寶，對樓主嚟講仲接唔接受到呢？定其實已經無愛，對方點改都唔ok？
不如你帶小朋友返娘家住下，大家分開一下先，諗下自己想點，亦都俾對方諗下要點。
4個讚