呢排爆得咁勁，仲點去政府醫院產檢呢？
我黎緊下星期要去醫院照結構，下個月要去醫院飲糖水，而家唔知點算好，當然，我都係冇打針架啦，真心驚咁高危嘅地方好危險！
大家會點做？
如果你真係好擔心可以考慮私家。 太大壓力對你身體唔好。
不過我自己覺得唔使太驚。 喺條街都可能有隱形患者啦，咁你冇辦法唔出街㗎。 醫院好多前線同事大住肚都繼續返工，亦冇中招。自己做好手衛生，帶口罩，驚嘅帶埋眼罩。 返屋企清潔消毒換衫沖涼。
COVID 病人主要集中喺急症室同病房。 你又唔係喺嗰啲地方複診。 藥房有好多人等攞藥，你驚就搵人幫你囉/ or 交完藥單行去小人嘅地方。
如果你擔心同啲睇醫生嘅人同車，咪搭的士。
6個讚
用檢查包自己check 先， 好多人中，冇必要唔好出街。太高夙險
1個讚
same here
我3月頭要去廣華照oscar（無必要），本身會做nifty，預去私院生……
都唔知去唔去好，
我03年Sars係戴住N95去產檢，嗰陣個政府都仲好正常，冇嚇到啲人衝哂去醫院，所以都ok。
以家我就覺得可以的話，去私家醫院做產檢安全啲。
照結構同飲糖去私家醫生度做都得嘅，人少啲又唔洗等咁耐。不過你下星期就要照，可以到嘅醫生都唔多，係想轉就要快啦。
我上星期已經去左政府醫院做結構喇，我戴左兩個口罩同埋眼罩去，去到見到其他媽媽都只係戴一個口罩，好似平時咁