唔想講太多背景
只係忽然諗正常結婚後如果唔係同住
無論男方家人定女方家人，其實都唔會成日可以見到粒孫
有冇人有興趣分析下呢類男人心態到底係點
媽寶型？灰啲講,個小朋友好似變左“工具”咁
可能係本身媽寶。
又可能係受左父母壓力，男人普遍以怕麻煩為理由，將呢啲倫理問題塞比個老婆。
（不代表全部男人）
對我黎講，佢呢句只係陳述事實，等如我話「疫情無得日日去行街飲茶」一樣，唔會上心。
and then如果佢咬住唔放，我會答佢「都無辦法啦，我細個都唔係成日見到我爺爺麻麻/公公婆婆，而家仲要疫情，大家都會體諒！」
2個讚
佢細個係咪成日見到 阿爺？
2個讚
係咪佢父母成日俾說話佢聽
太少資料好難判斷。
不過佢同你講時，語氣係平靜定怨言？
而家幾耐見一次？要見幾多先夠？老人家退左休冇野做？個男人係咪咁樣所以有壓力？
用電話視象得唔得
我小朋友都會日日咁打比呀奶奶、傾十分鐘左右咁
啱呀，最好提自己唔好上心
可能係我自己太負面？我又唔係話黎自破碎家庭果啲，但就係覺得下下提住父母做乜，個b生黎for佢父母架咩？
你咁諗就有啲上肝上腺左，老公只係「陳述」佢父母少左機會探孫嘅事實，又無進一步對你提出啲咩要求去配合，如果佢真對你提出（例如話想你晚晚帶孫返去食飯）咁你先作以上評論都未遲。
唔係話負唔負面，而係對另一半多左「假設」，佢一提，你就覺得佢認為「做子女有責任拎孫仔去娛樂父母幫佢自己盡孝心」，咁樣好易有不必要磨擦，影響關係。
你嘅猜想好大機會係真，但面色同脾氣真係唔好早左擺出黎，可以留返佢提出不合理要求之後。
唔好怪我長氣
2個讚
多謝你咁長氣就真
我冇俾面色佢睇，不過嗌交時就另當別論，而家响平靜時先搞清楚男人有呢啲想法係做乜，咁可能會對我有幫助，就算媽寶都唔係錯黎既，都係要包容
可以訓練改到少少都好丫
咁事實幾耐見一次、同佢哋預期幾耐見一次？
ftm 認真講生活上已經好多野要處理
如果有時間會想抖下，even係見老爺奶奶都係雖然social、需要心力同體力
（有d 男倒返到男家做大爺，小朋友都係媽媽睇住）
如無疫情，可以叫男人自己多啲帶小朋友返去見、我留係屋企抖下或者一個人行下me time
但大多數男人一聽到咁樣、又或者試幾次就知道自己一個湊返去麻煩，唔再返
1個讚
其實可能真係把口講下，我啲屋企人都成日話見得少，我自己就覺得佢地鍚我對小朋友先咁講，好似樓上咁講，佢再有進一步要求再算