琴日係情人節，本身同另一半已經plan好左我地有左bb之後第一個情人節點樣過，琴日本身一直都冇咩事除咗成朝好想嘔之外，另一半仲俾左個surprise買左個蛋糕俾我 
但就喺我同佢食完蛋糕影完相之後我去廁所跟住發現自己有出血，嗰一下已經心入面知道bb應該留唔到 
之後就即刻同另一半去醫院急症室，一路去嘅途中feel到自己流好多血 
，去同病房入面姑娘叫我去廁所wewe先，但嗰一下我feel到我已經喺廁所度流左佢出嚟 
見到佢係一舊好大舊嘅血塊
跟住醫生照陰超已經發現我子宮入面冇BB
但唯一好彩嘅係醫生話我冇瘀血塞住，bb都好貼心咁樣令到我唔使塞藥 
我知道我period準同後生再要bb唔係一樣太難嘅嘢，但係冇左bb真係冇咗忽肉咁 
明明上個星期個醫生仲話個BB好健康，有心跳仲要跳到120，但係真係冇諗過佢咁快同我講bye bye，心入邊覺得佢變咗粒星星琴晚望上去個天見唔到星星，唯有希望佢好快會番嚟搵我 
呢一關真係好難過
3個讚
係難過，無人幫到你，靠你自己想開，但都要加油，等下一個，會好快
傷心
希望你好好休養身體
相信佢好快又會返黎搵你，加油
1個讚
好明白你嘅難過，我第一次冇咗bb果日係老公生日。
你好好休養身體，bb會再返來。我後來成功有個好可愛嘅bb。
2個讚
抱抱！
你要保重身體，小星星會再嚟搵你嘅。
當年坨B時又係出血，好擔心，老公好理智講，BB因為唔有時發育唔健全，唔係好的胚胎，會自動流走，所以佢係為你著想…，雖然唔係好啱聽，但係一個事實。
希望你加油
3個讚
多謝你 
我都好想佢快d翻嚟
Thx 想今日去睇中醫快d清走d惡露
喺d特別日子冇左bb真係好難唔會唔記得 本身有左bb喺呢d特別日子係特別開心，但而家好心痛心up
抱抱。
好好調理身體，加油!
1個讚
加油
1個讚
多謝你 
我好明白佢咁樣走咗係冇得避免，係佢本身有缺陷，醫生都話我子宮好健康但咁樣小產左都係因為個b健康有問題 但係一切真係太突然，除咗琴日有直覺覺得佢琴日特別係我身體冇咩感覺咁
Thx for ur hug
bb未帶齊行李，下次執齊就會返黎
媽媽要加油，好好準備酒店(身心都係)歡迎佢再黎
1個讚
抱抱你
我都抱抱你，祝福你同你先生
呢度都有網友share 過小產經歷，可能會喺舊post 搵到安慰
好好休息，身心都要好好休養
我都經歷過… 呢段時間係好難過，但係都會過去
最緊要你唔好怪自己，捱過之後會覺得自己強大咗
做媽媽要強大先得㗎嘛！
好明白你的感受！
我都試過流產
bb未ready 等最好既時候會再黎搵媽咪的
加油 想喊就喊～唔好屈係心
我都經歷過小產，明白你有幾心痛！好好休息同休養身體，希望bb下次ready好曬就會再返嚟搵媽媽！
Take care ， 好好睇中醫調理身體
我朋友第一次都係都6w 無左，但過咗幾個月BB就返嚟，佢個BB出世嗰陣肥肥白白健健康康好可愛，而家仲越嚟越吸收好得意
所以只要好好調理心情同身體就冇問題
你有冇過打肺炎針？
我係高齡產婦，之前試過一次ivf著床失敗都曾經覺得好灰，今次第二次ivf係第6星期時曾因工作太操勞，去廁所時發覺有少少粉紅色，醫生話係作小產跡象，我都好擔心，當時唔知可以做乜，後來同公司傾減輕工作，自己行路放慢腳步，另外有人話可能係宮寒，於是我自己買左d子宮暖包同暖手包，每日貼係子宮，之後bb總算安全出世。
希望我既分享可以幫到你，加油唔好因爲一次失敗而灰心時機未到就盡力養好身體