話說我女女開始學講嘢 然後成日叫媽媽 但奶奶永遠爭住認 係啦 知道你叫嫲嫲
然後屋企個姑媽會幫住把口 話bb最鍾意叫嫲嫲
但無諗過其實係叫緊媽媽？
然後佢哋好鍾意教我女叫爸爸 係日日爸爸爸爸洗腦式咁教
然後我女而家日日淨係叫爸爸 唔會主動叫我
然後佢哋會好開心咁 你好鍾意爸爸啊
有一次我同我老公岀街 嫲嫲帶住女女開cam打過嚟
明明我同老公都係畫面入面 但嫲嫲淨係話
拿 爸爸爸爸爸爸啊
佢哋依個屋企係好少人教佢叫媽媽的
其實佢哋係咪無諗過我依個媽媽既感受？
1個讚
佢哋好唔尊重你喎，同住嘅？你係想呻定係想大家同你搵辦法拆嘅？
嫲嫲爭住乜乜密密嗰啲係好衰格，同時地又係好common。小朋友大大下就會知媽媽，只要你都keep 住錫佢佢一定最錫係媽媽。
之前我都有睇啲雞湯嘢，我睇完舒服啲，唔知對你有冇用：
有生物基因、法律和稱謂三項認證的 「媽媽」一詞就已經贏在第一步了，只要做好媽媽該做的事就好，孩子會感受得到的！
5個讚
感覺奶奶當你外人ignore咗你，不過呢d關係又唔好太上心免得自己唔開心，最緊要做好自己啦
1個讚
係啊 同住加
一黎想呻下 二黎我之前有同老公講過其實咁樣我會好唔開心
但最尾都係無改變過
最唔開心係聽到姑媽講
話佢叫爺爺嫲嫲
仲有爸爸 日日叫爸爸
完全無提起過媽媽兩個字
1個讚
如果追求改變真係冇乜可能，搬走係唯一出路
都未必個個老公肯聽老婆呻，而有所行動改變現象真係少之又少。
1個讚
姑媽又真係好唔掂喎 
D奶奶係咁架，最中意屈d 孫中意嫲嫲多過媽媽、識叫爺爺嫲嫲爸爸，淨係會聽唔到佢地叫媽媽。
所以我由阿女識ee呀呀開始識叫人果陣就迫到佢叫我係叫媽咪,嫲嫲就叫嫲嫲。兩個唔同音，阿奶奶冇得屈佢淨係識叫嫲嫲 
7個讚
講真，老人家唔講呢啲野，屈BB叫媽媽係麻麻，仲有咩好做丫，唔好放喺心，老土果個係佢自己。
我小朋友細個都唔叫我媽媽架，叫nei nei(即係要食奶）或者mum mum(都係要食我），咁我咪仲傷心？
後來老公教佢叫我做「媽咪」，唔會同麻麻混淆，但兩個音當然係要大少少先識講，開頭教極都唔講，後來佢第一次講就係衝埋我度好清楚咁叫，原來佢一直都知道，只係未ready講，聽到果下真係有感動嘅
11個讚
老公知道我有少少抑鬱 所以等女女大多少少就會決定搬走了 都唔想我辛苦同聽我成日呻
2個讚
啲奶奶係咁，仲有話bb 好似爸爸（明明同我一樣樣），乖野似爸爸，唔好嘅似媽媽，呢啲聽下算，唔駛上心，因為佢地真係純粹太無聊
小朋友大左，就識自己講，我啲小朋友日日話最鍾意媽媽
3個讚
下次佢地又話BB叫嫲嫲咪試吓同奶奶/姑奶講「係啦～BB成日都叫嫲嫲/爸爸都仲未識叫媽媽，BB快啲叫媽媽啦～媽媽媽媽媽」，睇吓佢地識唔識做啦！
如果你哋關係唔係差我諗佢哋有時冇留意到你感受姐，始終唔係佢親生係差啲嘅
1個讚
唔洗唔開心架，BB叫邊個先真係冇乜所謂，因為佢越大就會越痴媽咪。我係雙職媽，阿女係工人湊大，佢一歲前奶奶成日上嚟，見得仲多過我，但係到咁上下，阿女都係痴我多過佢哋（當然我工餘都用咗好多時間心機陪佢）。今日無論你班「親戚」點「教唆」個小朋友都冇用，一來佢哋真係唔係同你「一家親」（老實講佢哋都幾小家），二來佢哋自己都怕阿女第時唔親佢哋親媽咪，所以先強烈教阿女叫其他人先，叫做阿Q下。
另一個角度諗，阿女多人𡃶係好事，而且佢哋點𡃶都好，同個女血脈相連嘅，始終係你呀，咁諗會開心啲
3個讚
咁講嘢都得，真係咩人都有⋯⋯唔識理人感受㗎咩
十個99九個都係咁，以為BB鍾意佢，又以為BB一定似爸爸多，從來唔理媽媽嘅感受，自己都做過人媽媽，少少同理心都冇，所以你唔好理佢嘅講乜。
2個讚
咁你老公都算係咁。你有個終點可以盼望下，捱埋落去！
有冇講實則幾時搬ga？驚佢拖你hea 你
1個讚
係呀 一模一樣 真係好無聊
初初聽都有小小唔開心嘅講到個女無我分
不過而家已經練到當佢廢up 
d奶奶係咁, 咁一齊住就慘d
不過比著我都會好激氣, 仲要日日對住+聽到佢地咁講, 真係會嬲+唔開心
一定係講曬爸爸爺爺嫲嫲姑姐阿叔個d先到媽媽,
又話bb似足爸爸, 甚至似埋佢d親戚 (就係唔似阿媽)
“bb鍾意食包！似爺爺啊！爺爺又係好鍾意食包”
“好似爸爸細個啊,餅印！”
“好似姑姐/姑媽啊, 餅印！” (依然係唔講媽媽)
"邊個曳曳發脾氣啊？ 你爸爸細個好乖,無脾氣架！都唔知似邊個！ (WTF!?!?!? 我係咪要衝出黎認似我)
我對住99只會無奈笑, 你回佢1,2句,佢即刻覺得你串佢, 仲要日對夜對, 真係唔想搞到d關係差,
唯有同老公呻, 好在你老公都聽你講！
我老公成日講：你諗多左,佢唔係咁既意思…
1個讚
bb係你生出嚟，呢種感情&親情係冇其他人可以取替到，奶奶可以強迫bb叫「嫲嫲」「爸爸」等，但無論佢同爸爸或者其他人都唔會取替到你同bb嘅感情；
bb細個一定最需要&倚賴一定係你，大個之後啲「嫲嫲」最多只可以用縱容/物質吸引到佢，而唔係你同bb本身嘅感情。所以你淡定放心，強大自己，唔好比呢啲你無法阻止嘅小動作影响到，加油
話今年年尾左右
其實有時候都唔知係咪我諗太多
但佢哋兩個又好似成日暗裏說話比我聽咁。。。
因為我留短頭髮 長頭髮唔好睇
佢哋會成日同bb講 女仔都係長頭髮先靚 女仔梗係長頭髮 bb第時大個女都要好似姑媽咁長頭髮
我女女一發脾氣就會話 你做咩咁大脾氣？
你姑媽同爸爸都唔係咁 點解得你係咁
其實好多時我都好想博嘴 但又考慮到
我始終住喺人哋到 有時佢哋又會幫我買下野
開拖又好似變咗我係衰人 
1個讚