上年我有左
以前湊我嫲嫲嘅姐姐介紹左個印傭比我
原價請佢返黎
佢煮野好食，都算乾淨，好多嘢自動波唔洗我地操心
好多人都話我地執到寶
聖誕新年我地都有比獎金佢
假期都鬆手補足錢待佢不薄
我哋諗住都安心繼續用佢啦
點知！
佢今朝竟然問我老公借錢 （我返左工）
$5000
想分十個月喺人工度扣
佢話喺鄉下買左樓要錢裝修
我真係好驚訝
$5000
佢一個月人工都唔只啦
咁都要借
首先點解佢會覺得佢自己財政管理不當我哋要幫佢承擔
第二，我覺得佢好有可能係試水溫
試到你肯借就借開有條路
唉真係好失望
我就覺得唔應該借
如果係你地會點處理？
你呢個俾我諗起咗「杭州保姆縱火案」個保姆用各種各樣嘅理由借錢，最終原因係賭錢，之後越借越多，so要小心
以上全部經歷一樣，我選擇借比佢。
考慮點：
5000屋企缺唔缺？如果當捐錢咁預左有去無回會否飯都開唔到？
睇佢鋪排。佢因咩事裝修，有無相睇呢家condition 有幾差，fc 一下。
5000真係夠？用係邊？數來聽下。
好，分10期，咁每個月出糧我都要睇你passport (出面借錢靠passport).
人情面考慮。如果佢做得係好，咁呢10個月佢走唔到佬，當賣身。
所以自己衡量啦。我個個到最後筆錢真係幫到佢既，佢仲做緊既。
我個姐姐成五十歲
鄉下又有地又幾層樓收租
所以我好難相信佢缺錢
唔可以扣糧架，第日佢可以追返你錢，話你無出糧
我覺得真係睇自己能力，宜家經濟唔好無能力就拒絕。但又唔駛對借錢太大反應，覺得一定係衰係呃嘅。拒絕咗就算喇，唔好深究。
我工人姐姐都試過差不多情況，不過係問我地可唔可以幫佢向銀行借（佢話問過非本地人利息好高），如果借唔到，佢就出去借財仔。
我地一開始無講啲乜，純粹大家坐低傾，起完樓之後點呢？會唔會繼續要錢裝修買傢俬咁呢？借唔到會點？諗住點樣去還？當時佢有晒planning，即時拎到我地要嘅嘢俾我地睇。
大前提係大家相處咗幾年，亦都好清楚對方為人同埋對方屋企狀況，所以都知道佢真係有困難，最後先決定幫。所以你要睇返平時姐姐為人信唔信得過。（當然，有可能所有嘢都係吹水）
掂。學嘢了
我工人一開始都係咁講，我寧願佢問我地借
無錯trust level 好重要，我地就當佢一家人既，佢要背叛都無法，但我地問心無愧。有時d野將心比心lor, 5000蚊當買loyalty lor.
唔借，因為你借咗一次，就有無限次。同埋，就算你借比佢，佢一樣可以出去再借財仔。
同佢講唔可以借糧，提佢唔好去借財仔，因為財仔會追數追到佢家鄉，走唔到數的。
佢再問，就話最多一個月分兩次出糧比佢，每次出半個月，等佢每兩星期就有現金喺手。
Concept 錯咗，工人問你借完，一樣可以繼續借財仔，兩樣嘢無衝突。
佢係要借錢的話，點都會借到成身街數。
工人要走佬，點都會走，僱主借錢比工人，只係增加自己嘅風險。
出面借錢要passport， 所以我每個月有睇佢passport保障自己。
係架，佢要借點都借到，要走佬都無人阻到。咩當做用5千黎睇清個人lor. torchwood 無事仲做緊。
所以借唔借無應該唔應該，自己衡量風險ga ja.如果一講借錢會令你唔舒服，咩唔好借lor.
我果個久唔久都會問我借幾千，有借有還
第1次時我都好似你咁既想法。
5000對於你黎講，如果唔係多的話 咁借囉，， 有借有還既，先有下次 （一定有下次）
但即使我借 我都會扮到拖下先借，我係扮到好難先湊夠5000，唔好比佢覺得話都無禁易