先講小朋友背景資料：男仔，大B,就讀港島半龍校蘇浙K1。小學部係傳統學術型。家住14校網，手持20分在16校網的柴米。
小朋友性格：外向，唔怕生，唔係坐定類型。學校老師評價佢活潑天真，會發問同表達自己意見。問過老師意見覺得阿仔比較適合活動教學類型學校。
父母取態：會報小學部做back up,玩自行、大抽獎同考直私。由於柴米叩門規定1-1-1-1 / 1-1-1-0， 所以萬一要叩門要自行大抽獎擺佢第一，但自己更鍾情net 14嘅滬江因為重視音樂、steam，小朋友好鍾意呢2樣。
請教過來人應該攞蘇小back up,自行放棄柴米選得15分嘅滬江博大抽獎嗎？定穩陣揀返柴米叩門滬江？
另外想請教除港同、救恩有其他近港島嘅活動教學學校推介嗎？
港島區嘅仲有學費好金但都值得嘅赤提、外校生難攻入嘅維記、半個國際學校但又唔係有國際學校牌嘅港島基督教。行遠少少過海將軍澳嗰邊有播道、真道。
津校就唔好 expect 咁多活動教學（多活動唔等於活動教學，呢個要家長自己考察），始終呢個好需要人力物力同行政教學彈性，津校要做就難度高啲，尤其係攻成績升中嘅學校。滬江有 steam 都唔代表活動教學，不過你考慮得即係你都知道並且接受。滬江 000 係試過有人攞到 offer，但佢似乎揀人見同傾向有 1 嘅人。
蘇小同柴米一樣都係「傳統教學」，但升中同競爭力肯定係蘇小高啲，私立學校黎講學費唔算貴，你諗得蘇小 backup 都代表家庭負擔到。咁既然如此，攞蘇小搏 15 分 滬江 或者 111 滬江 都得。