呢個post想請問大家對於點讀筆嘅評價 
小女就來三歲，鍾意睇書，有時大人忙緊會自己攞書靜靜睇，亦鍾意媽媽讀比佢聽。
買點讀筆嘅原意係一邊睇一邊有聲，可以令佢閱讀過程更開心，同埋多個渠道吸收下好嘅英文。
卻步係因為怕佢依賴點讀筆，反而唔識得「自己睇書」嘅樂趣 
唔知大家有冇用過點讀筆，有咩意見呢？我心目中想買ge 係毛毛蟲點讀筆，但如果大家用過其他點讀筆都可以share 下呀，想知道你哋同小朋友覺得點
thank you!!
唔怕嘅，見太依賴唔對路最多咪掉左佢。
我以前都有買，但其實佢地一定係鍾意媽媽講故事，大部分時間都唔想拎出黎用。
Ps. 好多書建議7歲前係要陪讀，7歲後先自己讀，唔好輕易放棄呢個親子機會。
1個讚
我覺得點讀筆對小朋友係一種玩具。
我無買過點讀筆。
不過有朋友送咗一套 毛毛蟲問題式點讀筆，我小朋友細個個時得閒拎個幾本書，每本書逐頁篤，篤咗唔知幾多次無再玩…擺下擺下支筆都壞埋
1個讚
不如我share 下用點讀筆既成功例子
我有朋友好忙，無時間湊小朋友，停課期間就買左過百本書with 點讀筆比個小朋友自己消磨時間，個小朋友又真係無野做日日拎住支筆坐係corner 一本接一本自己睇書，到最後佢英文好好，好到k3已經可以用英文寫diary 同創作故事。到考小一神校時，even拍片唔跟rules拍但最後都入到。
我個人覺得，唔好太細比小朋友用，佢地唔識用又會當玩具，大小小先比。
3個讚
計返條數，你朋友應該係k1 果陣買，我果個讀緊n，或者我觀望多半年先
明點解你小朋友冇心機，好似我女啲vtech fisher price 玩具，我個女都係完全無視佢啲問題 
@No.7 多謝你提醒！我都好容易懶，到時自己都要主動陪佢多啲
我朋友應該k2先比佢小朋友用
1個讚
即係一年時間！咁好犀利呀！
咁我朋友真係放低d書同筆由得小朋友自己explore, 所以太細唔好用住。大小小識用上手就可以self help.
可能小朋友都有書緣，一頭栽進書本世界漫遊不同故事。
我覺得呢家襯有時間，多d伴讀等小朋友明白書本世界好fun 好引人入勝先，之後佢先有推動力自學。
1個讚
好睇小朋友鍾唔鍾意，我二個小朋友都ok, 真係拎支筆自己學曬成本點讀書，但明顯佢二個本身鍾意讀書，ebook, 實體書都鍾意讀，佢地歲幾已經識用，因為我就咁放係廳，最簡單嗰啲係單字，之後先有短句。
但亦有見過小朋友係完全無興趣，玩二下就走左去，我覺得可以買啲平又簡單試左先
1個讚
我買左好多點讀筆，有3-4枝，因為要返工，無時間教，有時間都係教中文，英文啟蒙有部分靠點讀筆。不過唔係一次過買咁多，係一枝枝咁買。
10個月，就開始聽，主要當玩具，主要聽音樂的點讀書，邊聽邊跳舞。
到左大少少，有故事概念就點故事聽。不過媽咪都陪聽，陪睇
大概用到k1 下學期，突然間掌握到文字，開始自己閱讀，沒有再用點讀筆。
現在k3可以睇好多,很喜歡閱讀。沒有考神校，本來想試，但很忙，而且因為很快不留港。不過屋企的書我諗超過500本，其實真係無咩位。
不過唔建議買詞語或字典形式點讀筆，趣味性太低，好快唔會點。因為經濟問題，都好少出去學英文。
個人覺得沒有影響親子閱讀，因為小朋友鍾意重覆，我講故事她都愛聽。
除左點讀筆，另外都買左audio book，也會用YouTube 聽故事。
2個讚
我小朋友對點讀筆興趣不大，佢2歲左右買咗支俾佢，似發聲玩具多D，之後升到K ，原來學校D書可以配點讀筆，所以又買多支，諗住溫書時可以用下，可能我比較懶其實都唔多用，如果可以應該唔會買，特別係2歲時期個支。
1個讚
坊間有好多點讀筆，除咗點讀書本，有唔同功能，開始時候最好同埋小朋友一齊用。
有啲點讀筆可以錄音，我自己會錄左一啲故事，小朋友當故事機聽。如亦會預先錄定一些問題，貼喺本書度，小朋友好似發現驚喜咁，自己發掘。
我都係疫情開始先比小朋友用，消磨時間，慢慢佢睇書上咗手，就可以自行閱讀。
1個讚
其實真係好難講，好睇小朋友。
我大嗰個就無興趣用點讀筆，因為佢好enjoy爸爸媽媽講佢，不過佢宜家大個，都偏向要我地講多過自己睇。
反而細嗰個，佢就幾樣都得（自己睇又得、爸媽伴讀又得、用點讀筆又得），唔覺得會依賴咗點讀筆，始終唔係樣樣筆都徵到。
如果佢返幼稚園，或者先從課本有冇得加點讀筆，可以試下先。
或者申請田叔叔套書，會送埋點讀筆。
如果唔想太破費，或者睇下有冇人唔要，或者試下上網徵。
1個讚
唔好咁講，做媽媽真係好攰
陪小朋友呢啲事上鐵定係比另一半付出得多啲
佢地好鍾意聽父母講故事架，真係好好嘅親子。第時你去佢學校講故事，佢都會覺得好威威
1個讚
本來係有的，但因為疫情同打針… 
多謝樓上各位高質詳細replies，感激你哋無私share 自己經驗。
1個讚
可以請問你係邊一款點讀筆嗎？
我個女都鍾意audio book，但要用qr code 嚟開，變左都係大人隔幾分鐘要同佢scan
多謝您share 自己經驗，好似其他網友話齋，果然一個個小朋友唔同，有啲係k2 先開始用，但你小朋友已經k1 尾就唔玩喇
你用咁多支點讀筆，你有冇啲覺得好好可以推介嘅呢？我目標用途係：小朋友打開本書，打開頁數，點讀嗰個page 就讀嗰個page。其他附加functions 例如問問題，錄音都非必要。謝謝。
祝你哋一家遲啲移民順利呀，既然移民，升小遊戲就可以輕鬆一啲了。
佢暫時都喜歡睇書嘅（好感激！），會自己睇書好耐，雖然唔知佢明唔明，但見佢睇得好入神，好似好drawn into 書入面嘅世界。
關於佢鍾意睇書呢一點，我都要多謝呢個forum 嘅高人！之前有個post，已經搵唔返喇，有位網友話屋企嘅玩具就時常收拾好，相反書就周圍擺，擺勁多（唔記得exactly 點講，呢到只係經自己消化咗嘅大意 
）我而家四圍都有啲櫃仔專係佢啲書，同埋我發現書就算周圍擺都唔覺好亂
我屋企有小達人/毛毛蟲同台灣cpen，小達人唔建議用，入嘢好難，毛毛蟲唔錯易管理，但記得要買夠點讀貼
cpen 有智慧分頁功能，慳好多製作時間，但貴啲
本身毛毛蟲都夠用，
但我哋有套二手廸士尼，老婆動手分割教材，做咗一兩本已經想投降，剛好見倒台灣有blogger已經用cpen分好曬啲resource就買咗枝cpen,overall都幾易用
1個讚
我個仔歲半，好鍾意自己用點讀筆聽廸士尼啲歌
1個讚