大家幾多個月開始幫BB加固？
用beaba定youha加固，係咪功能都一樣
加固唔洗特別買野整野食架喎，你另外蒸/烚熟D野比小朋友咪得
我個女4個月時已經比條菜心、西蘭花、手指粗的蘿蔔/番薯/南瓜佢自己拎住食
不過我諗你應該因應佢出牙情況而決定比咩/點整比佢食，出牙快既就可以早D比野佢啜咬 (佢有野磨牙都會好開心)，未有牙咪整爛D餵佢囉
我個女8個月，未有牙，成日好驚佢食菜心會鯁親。。。到依家都淨係食過粥仔咋。。。
菜心就最唔會梗親，你剪左D葉淨係比支芯佢，佢就識咬同啜架啦
我bb 8個月，比緊米糊佢食，因為米糊比粥仔有營養
米糊會加生果：香蕉、蘋果、士多啤梨一齊blend
另外仲會烚啲紅蘿蔔、翠肉瓜、薯仔、生菜，再壓成蓉比佢食。
我五個半月開始俾佢試食糊仔，因為想target佢六個月可以食到入口。開頭試左兩個星期真係心都up，又喊又推又發脾氣，最後諗住放棄，俾生果蓉佢食就算啦。冇太多期望之下佢又慢慢肯食。
我淨係買左一set砧板同刨蓉板俾佢，都冇買機，有時用自己本身有嘅攪拌棒就算。而家八個月可以食到粒粒就用刀切。
我用avent 幾好用
覺得乾淨過自己（其實係工人姐姐）磨蓉
Beaba 純粹鐘意佢可以煲埋飯
我仔仔四個月開始米糊
到五個半月開始食爛飯
只係買左個攪拌棒 冇買蒸煮輔食機
爛飯都係用燉盅燉
嗰啲機又貴又冇咩用途
攪拌棒至少佢食大人嘢後都可以留返自己整嘢食
我都只有一枝hand blender ，開始嘅時候係煲粥，然後用hand blender 打成糊
再滾一滾就方便又衛生
後來有點懶，就買咗米糊，但好快bb已經唔食
我仔4m23d開始食加固 兩日食一種蔬菜 佢又唔抗拒 我都無用機呀 就咁用返平時煮飯會用嘅濾網同磨板 同埋一個迷你blender
我想問加固之後洗唔洗俾水佢飲？(全人奶BB)
要俾少少水BB飲架，可以用匙羹餵。其實佢都未必識飲，只係個動作俾佢習慣食野之後要飲水，之後再俾返奶佢食。咁到之後食嘅冇咁濕嘅野佢都肯飲水。
Beaba可以煲埋飯?