日前報左某erb就業掛鈎課程 依家等緊消息/面試
就算入到呢個班
只怕畢業後所謂"就業跟進"等同虛設 or 介紹d同課程無關/唔岩你做既工(其他地方話d機構質素良莠不齊 純粹只為交數 完全冇認真正視學員需要)
唔知有冇人分享到有關經驗?
(依家基本上見步行步 完全今日唔知聽日事既心態去面對呢個課程)
以前做過相關工作，建議你唔好期望咁多，好少公司經呢種途徑搵人開工，直接出去搵最實際
睇下你係讀邊一類、保安果啲大機會揾到工、因為呢行長期缺人、大機構實會喺度請啲人、當係企係責任。
但咖啡拉花果啲、美甲果啲、當上興趣班識下人啦。
2個讚
雖然都唔抱任何期望
但對於長期空白期/待業/無業既人睇黎只能焗住揀erb(因為其他課程普遍都好貴 失業/無業人士邊負擔得起 仲要唔係100%包你搵到工 邊可能搏得過)
加上長期空白期/無業既人直接搵工既話 通常都會俾對方當你犯咁審+覺得你衰過殺人/老強+影衰公司
最後當然食白果收場
呢個情況只會無限loop(親身經歷)
好奇問下有冇人係讀erb入到大公司/上市公司?(唔係指7仔/大家樂/大快活 例如文職/it)
仲有好奇想知邊d劣質培訓機構報唔過?(諗住向erb投訴 就算投訴冇用 至少可以等大家都知間野幾咁惡劣 等大家唔好報)
我親身識嘅人
係個舊同事、四十歲左右、讀完類似課程、揾到份屋苑嘅保安工、做左兩年幾、就調左去管理處坐、幫手收管理費呀、做裝修證果啲、返九放六、唔知算唔算你講嘅文職。
佢返工間屋苑唔記得係新鴻基定長實樓。
不過最慘係唔止得唔到合適就業跟進
而且仲要過埋跟進期(3-6個月後)先有得重新報新課程(等得黎都唔知死左未) 越諗越糾結/徬徨
呢個情況下大家會點自處
(如果真係得唔到工介紹 再報erb新課程係咪唯一方法? 因為大多數進修普遍都好貴 待業/失業/無業根本冇可能負擔到 亦唔好講咩資助 因為等同負債)
其實你都無工作，空白期又咁長，不如直接讀左erb 先，有啲津貼又叫做有啲野讀下，增值自己，你成日諗咁多，最後得個諗字，原地踏步，空白期又更長
1個讚
請爬文
已經報左 依家等緊面試/通知
我意思係，有得讀就讀左先
依家係擔心畢業後既出路係點
因為如果畢業後介紹唔到工 即係變相又要等多3-6個月先得再報新課程 咁又同曬時間有咩分別
(總之報得都係諗住讀 因為都已經冇退路)
與其諗咁多，不如諗下點樣係班入面讀得最好，學得最多好過，erb 好多人係去坐，拎津貼，你成績好，表現smart, 有時導師都可能有工介紹
入得班當然想畢業/有證書/搵到工
但其他地方話大部分公司只會當erb證書係冇用/廢?
erb 基本上唔會唔合格，畢唔到業，考試合格要求好低，所以點解只係一張普通證書，但我會話erb 係帶你去左某個行業門口，佢唔會保證你搵到工，其實你出去讀咩都唔保證搵到工，大學生一樣可以無野做
4個讚
講得啱、教得erb 嘅都係做緊果行嘅人, 有心上堂學野定hea, 係一眼睇得出。
但有d人話erb課程只有合唔合格 根本唔會分成績好唔好?
就算最"標青"都唔見得有咩回報?(例如特別獎賞/推薦你入大公司)
即係咁
如果我係教erb 班嘅老師、上兩三堂都會分到邊啲係運吉、邊啲係有心想做野嘅。
咁如果我又咁啱識得人、係要請人、而班上又有同學我係覺得合適、咁我自然會介紹佢出去。
出嚟做嘢、好多時係要做好自己先、你做得好、自然有人留意到。
3個讚
有咁既事?
但其他地方睇到d人話畢業後個d 機構最多只會定時話你知有咩空缺(仲要係同課程無關/未必適合你/九唔搭八既工 例如你讀設計 點知竟然sd運輸/收銀既空缺俾你) 根本冇認真跟進?
咁你想佢跟進啲咩？
最低限度應該引薦同課程有關既工先?(真係基本要求黎 已經冇要求過高薪厚職 絕對唔過份)
(感覺上好似貨不對辦 因為完全同erb既"宗旨"不符 唔少人話覺得好似俾人呃入去讀)
(雖然本身唔抱期望 但erb/培訓機構竟然自打嘴巴真係好諷刺)