https://www.facebook.com/104046444978573/posts/116091240440760/
1個讚
好多人問點解本地菜貴，但好少人問點解大陸菜咁平！
大家有冇奇怪點解香港本地種嘅菜同大陸鄰國運嚟嘅菜價錢相差咁遠嘅呢？
首先我哋可以睇吓香港農業發展嘅簡介。1980年時期，香港蔬菜嘅自給率超過30%。隨著鄰國改革開放，多咗蔬菜供港，而且係1998年鄰國農產品可以無限輸入香港，直到依家香港蔬菜嘅自給只有2%左右
即係話香港大部份人係食緊鄰國嘅蔬菜(香港蔬菜九成以上來自鄰國)，所以大家平時印象中菜價係鄰國蔬菜嘅價格。我哋曾經有客人問點解我哋賣嘅本地菜同平時街市買嘅菜價錢差成一至兩陪，咁其實大家有冇深入了解一下點解街市賣嘅菜會係咁平嘅呢(小編就曾經見過5蚊三斤菜心
)
就以菜芯
為例，今日（4/2/2021 ）蔬菜批發市場價格係$5.9/斤，有部分直銷菜**仲會低於批發市場價格。而我地本地農場直出價錢需要$20/斤，價錢相差成一倍有多。
點解鄰國供港嘅蔬菜有咁多成本(例如長途運費
)但售價又可以比本地菜低咁多？如果你喺街市買到$5三斤菜芯，再扣除運費及批發、零售商利潤、鄰國政府稅項，你諗吓有幾多錢係最後去到農夫
呢？當農夫嘅收入
係不足以養活自己，佢哋就會用其他方法去增加產量。例如利用單一種植、過度使用農藥去谷肥塊田、甚至乎利用禁藥
去催谷產量！
2012年就曾經發生廣州番禺有菜農被揭發使用來自順德垃圾處理廠嘅未分類垃圾包括電池、膠樽、塑膠廢料做肥料！除非你係Hulk
，食咗呢啲重金屬
，對身體健康係非常危險嘅。
2019年就發生咗有鄰國菜販利用甲醛令保質期短嘅蔬菜保鮮。長期食用呢啲含有甲醛嘅蔬菜，可損害人體。而攝入大量甲醛更加會令人急性中毒、嘔吐
、昏迷、腎臟受損甚至會死亡
！
最令人擔心嘅係香港食物安全中心對供港蔬菜的抽樣檢查只有0.0016%，所以鄰國蔬菜嘅所謂合格率當然會達到99.81%! 而鄰國市農業局所做嘅抽樣檢查，又信唔信得過呢？當地人連自己國家生產嘅奶粉
都唔敢買，就可以想像到佢哋生產嘅蔬菜品質會唔會受到保證
** 直銷菜
：即係繞過批發市場節省手續費，但係呢啲菜嘅來歷不明，少咗政府係批發市場抽檢，監管較少，缺乏第三方認證菜源及記錄
，安全保證相對上比較低。2018年做嘅統計，本港約60%進口蔬菜係屬於直銷菜。大家熟悉嘅領鮮，家農，新界仔都係售賣直銷菜嘅。呢啲店舖就利用低價去打低本地菜，令香港再無糧食生產，再壟斷蔬菜市場，令到香港人更加依賴鄰國嘅輸入，到時可能電池菜芯
都要賣到$100一斤！但到時你已經無選擇，所以點解就算貴啲都要支持本地農場出產。
13個讚
大陸菜你唔知佢點種，香港個d最少考研到會安心好多囉
2個讚
所以細個 80s d菜米好食 d 囉
4個讚
就算大陸都少d化學嘢
1個讚
喺唔知邊度留言睇到、話「本地菜」即係廣東省嘅菜、要「新界菜」先係香港種。
小朋友出世之後、一家三口加姐姐都係買新界菜或者馬莎急凍菜、係貴、但支持下本土野。
3個讚
其實40個運菜既中港司機被隔離，點解唔叫運生果運其他野既中港司機頂住先？
我哋屋企食本地菜超過5年啦。好多人聽到都話有錢啦，食本地菜。但我想講，捨得食和牛、日本士多啤梨、買名牌袋，點解唔捨得食本地菜？（我真係n年無買過名牌手袋
）我係當初睇過breakazine, 有報道話，連廣東農場工人，都唔會食自己農場出產既菜，佢哋會係宿舍另辟農地種菜。所以大陸菜有幾正，自己諗到。
我係一間黃店訂菜包，每星期佢會用菜布包好送到。我下星期換返菜布俾佢就得。佢哋係直接向幾個農場拎貨，農夫有時仲會特登留正嘢俾我哋熟客，如本地芒果、柑等，全部都勁好食，唔輸外國入口。我坐月佢哋會留本地薑俾我，都係好好食，真係街市貨無得比。我今晚焗條本地粟米，好食到我小朋友同我全清。大家真係要支持本地正菜。
17個讚
求link
可唔可以介紹呢？
我都係上網訂 但質素好參差
求資料! 我就係因為訂菜浪費太多膠袋, 所以唔再訂菜!
可唔可以俾個名嚟？
係到開名會唔會話賣廣告？
定pm大家？
開啦，有排pm ar
1個讚
https://www.facebook.com/tinyeahtinyeah/
每個月$1000，每星期4磅菜，兼每月$120本地乾貨揀（有mil mill 廁紙、悅和等），每星期送上門。我承認係貴，不過佢真係揀靚俾我。試過無咁靚仔既貨，佢哋會講明同平啲。我鐘意幫襯係因為佢吔用布、環保袋包菜，同本地乾貨都好多驚喜。我幫襯之後就決心冇買名牌袋，情願一家人食好啲。你哋有興趣可以入fb pm佢哋。
Btw，佢哋以下個post 都介紹其他店賣本地菜，大家可以揀間岩心水。
https://www.facebook.com/666955500171022/posts/1828309060702321/?d=n
16個讚
好介紹
我見佢本地加工品既list都係好野黎
「芯蕎」@hktvmall 嘅「本地菜韓國菜」居然受文錦渡影響？
https://www.facebook.com/groups/NotChinaMade/permalink/5318961211470927/
1個讚
芯蕎我以前買過
同係街市買既大陸菜包裝係一樣
大家唔駛幫襯
4個讚
係唔係放雪櫃菜櫃就keep到一星期？
今日都心思思睇緊 
唔怪得佢地d 菜咁平，睇完覺得好恐怖