有「浸大咪神」之稱的前𡃁模楊梓瑤（Carol，現名：楊焉）淡出娛樂圈後，轉型做瑜伽教練，年前創業開設瑜伽教室。本港第5波新冠肺炎疫情肆虐，政府多次收緊防疫措施，早前已將體育館、運動場、健身中心、泳池等體育運動設施關閉。
Carol的瑜伽教室亦受影響，她昨日（5日）在社交網上載與租務職員的對話，Carol要求「遲少少先交租」，但遭對方無情拒絕，指政府有資助，並要求Carol尊重合約精神，並說：「交唔到租都無理由要業主suffer㗎，上頭無指示會減租，如果你唔交租我哋會睇吓legal嗰邊有咩行動！」其後更cut線。
Carol憤憤不平寫著：「有頭髮邊個想做癩痢？上手業主起碼都肯減管理費，雖然唔係多但管理費成$8000。轉咗新業主成幢大廈買咗，員工都唔同曬。其實都唔係叫你免租，都係想你幫幫手同業主反映睇吓可唔可以減租，你話可以幫我問一問上頭，其實我都收貨。如果市道好返大家真係要小心咁揀業主。」
咁又真係唔係業主唔比佢開工喎
唔減租最終都係一拍兩散，大家都係呢個政策之下嘅受害者
個員工問都唔幫手問下,又真係好絕情 
可能個新業主肯減呢
俾我真係小七佢
反正都冇得減
有D人打份工做最細,但就咩都落曬閘先唔會幫你問上面…
我以前工作上都遇過,真係會好嬲
冇問題㗎，但說話技巧冇我都即刻冇囉
扮吓嘢都費時
租客死完到業主死，啲業主以為自己有咁多鋪收租好威。
而家博幾時開得返囉
有時係公司文化問題，有時係人問題，如果係人問題，請咗咁嘅員工個老細都喊三聲。
其實真係好陰功 政府話關就關 所謂資助其實可能連佢地1／10租都唔知有冇 如果係大少少規模既生意
業主立場當然唔需要減租
但叫人點撐住呢 賺幾多都唔夠咁樣被停淨比租啦
一拍兩散
費事煩，咪阻住我收工個種心態
跟住無人租
攪到個場冷清清咪幾好，業主都唔駛請人收租管理，慳返
冷氣又唔洗開，環保
遲D門都唔駛開
該主題在最後一個回覆創建後90天后自動關閉。不再允許新的回覆。