當日開刀只有兩位女士，我地一人一個ward。
因駁住機聽bb同媽媽個肚，需要收埋電話。
姑娘播住柔和的古典音樂，等下等下會有：
- 麻醉師來問問題
- 姑娘睇住姨姨幫手清理毛髮
- 問定你一陣bb出世點樣skin to skin （選擇：手術後立即放上身 [my choice]，手術後係復甦室先埋身之類）
- 想奶粉定人奶[my choice]
無幾耐就去換衫做手術。
手術前：麻醉師出場，用噴霧test下你的知覺。
手術中：右邊麻醉師mon住身體情況，左邊姑娘陪住。眼前是一塊手術布，兩位醫生開刀。（歷時50分鐘）
手術後：左邊姑娘抱住bb來報磅數，恭喜你，並會讚賞「媽咪好叻丫」，然後再問你呢個係男定女，答完就放係心口skin to skin。期間：
- 醫生講返手術過程general情況（1～2句）
- 另一位姑娘會榜住bb
- 之後就帶bb去做返清潔
復甦室：睇睇手術後會唔會有不良反應，姑娘又帶返bb來，佢建立爭取多d時間skin to skins，引導bb慢慢學習食母乳。
上病房：一定會痛但可以接受，姑娘會派止痛藥。（問想食1定2粒）
Day 1： 唔可以落床，插住尿喉，等有排氣（fart），代表腸部運作得順暢。另外bb會在你左右，姑娘會2-3個鐘就提醒「媽媽起身俾bb食下奶奶」
建議：
- 就算唔可以落床，都要動動手手腳腳，阿婆咁慢都唔緊要，但對恢復係堅有用。
- 嘗試手擠奶，唔好怕羞問姑娘，唔識問到識。你都係住幾日，樣衰就樣衰，之後順利埋到身或泵到奶事大。
Day 2：拆尿喉，排氣後終於可以食粥水。
建議：繼續動動手手腳腳，用手提記低你的一切，因為姑娘醫生都會問（尿量，人奶情況等）
Day 3：晚餐食正常食物，要按摩肚，幫助排出惡露。
Day 4：先生可以到病房，約姑娘上門拆線，簽文件後就ok
其他建議：
- 請家人keep住帶差電，不可用醫院的插頭
- 姑娘check住bb重量，跌出生時的10％就fail ＝ 要去多幾次健康院，追到合格為止
- 成個ward都bb喊聲，點都係休息得唔好，但這只是一個開始（大家要有心理準備）
- 學識手擠奶好重要，第一胎要補奶粉，今胎全人奶有餘。
- 放膽問不同的姑娘，未必係姑娘唔識，而係要搵到一個match你身體的方案。
- 如果一開始揀左人奶，呢醫院住個幾日，記得要好努力咁埋身餵，學手擠奶。一開頭只有一滴滴，這是完全正常的。
欣賞廣華 
：
有母乳小組幫助媽媽，出院前會教定幫bb吸食得更好的口部運動。產後亦可以帶bb回醫院「覆診」，就算月月6個月內塞奶、餵唔到，都可以返去搵姑娘睇。讚讚讚～！！！！
大家加油～！！ 
