哎呀你唔好誤會，我覺得你好醒，打死都唔好同奶奶住
我寧願揀唔嫁
我個朋友又係咁講，但係我其他野好蠢
好多事情要請教大家
1個讚
如果我老爺奶奶要人照顧，我一定支持我老公，請工人，住近啲冇所謂。晚晚上去食飯，工人放假我做家務都ok
但要我FTM＆同住服侍，冇可能。老公自己嚟
3個讚
說老實話， 如果我老公堅持同佢阿媽住我諗我唔會嫁
1個讚
好啱
我當年冇呢個問題，因為兩家屋企細，我同老公一出嚟做嘢已經想搬出去
我奶奶得我老公一粒仔， 又最鍾意我老公， 奶奶老公又對奶奶唔好， 所以好想同我老公一齊住， 但我係唔會心軟
2個讚
樓主個潔癖性度同我差唔多, 所以我明白.
但要新抱做照顧者, 你又要照顧自己小朋友, 仲 要 同 住, 真係會痴線架.
辛苦少少, 全日去老爺嗰邊照顀佢, 當出一日街,夜晚先同小朋友回家大清潔.
搬去住就連自己私人休息放鬆既空間都無, 會易積積埋埋情緒失控.
唔建議一齊住,寧願搬近啲. 要同老公傾清楚你底線。 唔係個個人鐘意同老人家住，你願意照顧佢已經係一個好新抱， 其餘就叫老公諗計。
5個讚
經過左兩日，同先生有無數既傾談
另外睇左你地大家既意見
雖然至今仍然未搵到最好既解決辦法，但起碼我搞清楚左少少自己既諗法
俾人話我潔癖、衛生界線定得太高，某程度上我係唔同意既
其實所謂既衛生標準只係我既自我保護/心理防護機制，呢個係我响同兩老相處時既最後一道防線
之前我成日會諗有乜可能要個「有潔癖既人」遷就，而唔係俾人話污糟果個做返乾淨啲
今日我明白喇，兩老對我黎講根本係「非我族類」，我從來都冇打算接受佢地；大家所講既調整心態大概就係咁樣一回事，而且我亦唔知道如果我放低左呢條衛生既界線到底可以換黎啲乜野
對於家庭，我理想既藍圖係每位家庭成員為左家庭既和睦，都願意捨棄舊有既一套，坦誠溝通，講到尾同住難既困難就响呢度
或者我就係見到我先生算係比較做得到，肯付出包容我呱，我先話願意照顧奶奶
多得你地大家既提醒，我後黎諗返原來我並冇好好衡量自己係咪一個合適既照顧者，呢個情境似曾相識，好比我當初決定結婚果時冇諗清楚自己係咪適合同住一樣
過去同住果段時間，亦已經為呢個家庭帶黎左好大既傷害
搬近啲難，暫時睇黎應該搵唔到而家住緊果度咁平租，可遇不可求
有人提醒請工人難，後黎响bd再見到兩個post講關於工人，我先知現階段唔係諗老爺到底接唔接受請工人，請工人已經係後話；本身都預左有一段時間要自己搞掂個照顧，但而家睇黎係遙遙無期
2個讚
其實老公仲有無兄弟姊妹？分擔少少都好丫。
同埋奶奶照唔照顧到老爺/佢自己？
就算要你照顧，寧願辛苦啲每日來回，起碼返到屋企仲有自己空間
2個讚
最好係咁，但男人唔會明點解我咁想要私人空間
而且果兩個仲要係佢父母，感覺我係俾緊難題佢
如果佢係full time dad就明架啦
冇其他兄弟姊妹
未知奶奶出院後照唔照顧到自己
老爺响奶奶入院期間算係自己搞掂，佢對食好有要求，自己出街食，掃地拖地抹野就我同先生間中上去做一做
老爺本身留响屋企既時間都唔多，亦對清潔衛生呢啲冇咩太大要求
唔知我咁諗算唔算自私丫，其實我想建議你先諗左自己家庭先，計算一下，唔影響你照顧自己仔女情況下，最多可以為佢父母付出到幾多時間同心力。
例如，你話老人家一日要餵5餐，你可以幫到手邊2餐，之類，可以幫到佢屋企做到邊幾樣家務…
其餘嘅，老公真係要諗掂佢/搵外援。
當然，唔係唔同佢一齊承擔，你都可以陪佢一齊諗同搵資料。
其實真係唔好corner 自己，一野就要all in, 好快逼死自己，兼賠上夫妻感情。
2個讚
樓主真係要認真諗諗自己適唔適合做一個主要嘅照顧者。
依家唔係潔癖要忍受嘅問題，而係做得主要嘅照顧者一定會有更多嘅壓力。
我建議倒不如樓主你出番黎做野，搵多一個錢去請人照顧好過自己頂硬上
你叫佢調轉一齊搬返你娘家照顧父母，睇佢肯唔肯
男人一定要比佢食返同一樣嘢佢先會體諒你
任何男人都係
1個讚
exactly! 但可惜：分分鐘娘家對女婿好過夫家對新抱呢
咁你豪個老公出嚟等佢返去照顧啦
1個讚
唔自私喎、好現實就真、我情願出嚟做兩份工津貼請工人、做唔到就係做唔到、樓主仲要湊小朋友架、本身都有家務要做
2個讚