真係好羨慕d人返工無嘢做，日日吹水到放工。。
我返工壓力好大，好多嘢做，d人就一般般啦
初四唔想開工 
唔一定，我新人做打雜搬搬抬抬寄貨出去，遇正啲仆街同事，日日都俾隻蕉皮我踩吓，搞到信心無曬做乜都唔啱做咩都好似都錯，會有種無形壓力。
2個讚
我比較怕人事壓力多啲。
攞多幾日假差下電
我公司old seafood, 返工冇野做，日日係公司吹水，eD直頭係我 dream job.
各有前因，佢只不過係開國員老。。。
仲要6點就話自己好忙要扮OT 
我唔會羨慕呢啲人嘅
不過就最好唔好嘈到我
有時真係嘈到我要行去其他zone做嘢 
大壓力. 一部份係對客的壓力, 一部份係啲下屬唔聽話
我份工返工處理問題嗰陣要步步為營。
每一個工作 / 問題都好似捉棋咁，好需要用腦力，因為我做每一個決定或者一件事前，一定會預計曬之後所有嘅可能性，
然後去判斷我而家要去點做同埋之後嗰幾步係點，或者啲同事要點做先可以配合到我，而我又要點樣去講同解釋令到大家有信心互相配合。亦都預計埋如果對方係咁樣行，我地又應該會點樣做。
雖然輸咗後果會好大，但我又唔覺得太大壓力，只要我夠專注，同埋夠時間去諗就得。
面對壓力，最緊要諗吓點樣去做得好佢，唔好因為壓力而左右擔心，冇咗個信心個人就越嚟越depress，工作就只會越做越差。
每個地方都有呢啲人㗎啦，唔使理咁多
做好自己本分咪得囉
就算佢影響到你，你咪氹吓佢點樣做你嗰part先囉。
之前就處理人事嘅時間多過工作
而定處理工作多過人事
2樣都好忙
但我寧願後者，起碼自己做嘢好了，不過真返工做到收工，可以電話都無時間玩
我返果間我只能用PK來形容.
好似每日返7.5小時,樣樣野都話要填JOB SHEET.
KPI規矩係要85% JOBS要填曬JOB SHEET;
LINE MANAGER話如果JOB SHEET每日少過7.5小時要問點解;
DIRECTOR問點解每日我份JOB SHEET會超過7.5小時,你又唔係加左班.我話有時手上有3,4個USERS同時出現,所以同時間做會ACCUMULATE左D時間,佢話唔得,4個USERS一齊用左1個鐘,就要填JOB SHEET分返每個JOB 15分鐘.我話咁樣唔識計WO
每日返工就好似精神分裂咁.
公司唔做野既人多,有問題問佢地仲慘過唉契弟一樣.
如果唔係要供樓生活,一早唔令做啦.
2個讚
工作不大壓力，但工作之餘仲要服侍老細心情就真系好憎。未試過間公司d老細錦pk，完成工作無問題都未夠，仲要他們心情好先得，其實d 老細都系出公司糧但當條team好似自己後宮。
1個讚