曾自爆患性上癮嘅張致恒，婚後同老婆雯雯育有2子，但依然負面新聞纏身，被爆欠債纍纍，老婆雯雯全職湊仔不時呻辛苦；3日前，雯雯喺IG story上載日落相宣佈離婚：「分開不代表完結，只是讓大家過得更好的。今天我們正式離婚了，我也真心祝福你能夠幸福。」
估唔到短短3日，呢單傷感嘅離婚宣言，已經火速兼戲劇性落畫，今日下午約3時，Steven喺IG曬全家福，宣佈唔離婚嘞，「人嘅一生中總會犯唔同嘅錯，感情事、工作事、家庭事、友情事，但係最重要係犯錯過後點樣去反省改過繼續行前面嘅路，多謝老婆係呢兩年幾嘅日子包容我犯嘅錯，經過呢幾日同老婆嘅溝通，我哋決定繼續一齊行前面嘅路，兩夫妻有好多嘢要學習，仲有好長好長嘅路要大家一齊學習，一家五口好好咁樣愛下去！」
Steven同雯雯結婚未夠3年，育有兩子，本來係一家四口，但佢就寫：「一家五口好好咁樣愛下去！」唔通雯雯又大肚？所以唔離婚了？
