幫我手差不多六年，呢一年都係忍佢，下個月完約，佢唔續約，阿sir講明佢唔續約就冇長服，近來成日要求外宿，玩到而家話星期六晚做完嘢就出去瞓，星期日晚先返，阿sir怕煩就由佢，本來我都想私底下比長服佢，但我又好嬲佢成日要求去外面住，我仲應唔應該比長服佢？
（我覺得比佢外宿已經係豪咗比佢）
唔應該。一來佢自己係resign 係冇長服的、二來比佢出外stay overnight僱主已犯法、仲比咩長服。乖乖地就話唔介意比你姐、咁唔乖比乜
3個讚
我理解係咁
做到完約唔續 =／= resign
合約期間話唔做 = resign
3個讚
本身我諗住入黎話「比」
見到呢個情況我會叫你唔好比
1.佢自己辭職就已經唔洗比
2. 要求外宿非常有問題
如果我自己，本來比著多年「感情」就算佢辭職，都會比返多少佢，係感謝！
但唔乖就另計
2個讚
長服係唔自己話俾就俾，唔俾就唔俾
係咪可以打去勞工處問下？
佢唔續約係唔駛比佢
咁多年感情，佢冇諗過我哋感受，想點就點，所以我唔想比佢（而且係用我私己比）
Agree
佢搏你炒佢就要俾長服，忍埋佢呢個月，同佢講係外面留宿犯法，千祈唔可以比佢咁做，佢無返黎或星期六晚出去就報警話揾唔到人。記得keep証據同小心屋企財物。
1個讚
六年完約一定要俾長期服務金，否則是犯法的。
菲傭自己唔續約唔需要俾。
利申：自己菲傭幾個月前做完六年自己唔續約，已打去入境處問清楚。
3個讚
其實已經試過，不過佢愈嚟愈要求頻密
點解要迫自己比。比係人情、唔比係道理。而家係佢唔好來好去。
阿sir話，佢都就嚟完約啦，理鬼得佢
俾外傭係外面留宿僱主係犯法，所以宜家要保障自己而唔係由得佢。一定要keep証據証明你唔俾咁做，佢繼續做就係佢犯法。
仲有make sure佢封辭職信一定要寫到明係佢唔續約。
1個讚
Ok 
就嚟完約不代表可犯法、到時候一身儀就煩
1個讚
有冇方法防止佢反口，例如佢話你迫佢辭職？
WhatsApp 問多佢一次是否真的不續約、或當面問、叫老公拍片。
1個讚
可以prepare一式兩份文件，上面寫明佢自己唔續約，last day，再列明最後一個月糧，大假錢，機票或等值現金，錄住影黎雙方簽名作實。記得盡快通知入境處佢唔做。
如果佢仲有大假而你又唔需要佢，可以考慮提早放人當扣假，不過都係嗰句，記得白紙黑字寫清楚。
2個讚