【Marf公開鬧雜誌主編討厭 隨即刪文兼耍冧：會繼續虛心學習】
ViuTV女團COLLAR才於本月12日正式出道，但已成為不少廣告商及品牌的新寵，人氣甚勁。冠軍成員Marf近日卻在IG限時動態發脾氣留言：「因乜解究，V.雜誌嘅主編係會可以咁討厭？做嘅所有嘢都挑戰緊我最底嘅底線，睇來今日應該都係人生幾大嘅一堂，我會忍架，唔好燥（躁）啊」。
由於COLLAR剛為V字頭的國際時裝雜誌拍照，網民估她是鬧該雜誌主編。事後她已刪帖文，但網民已截圖瘋傳。經理人阿Wing代她道歉，並指Marf會深切反省，作出改善。
今晚Marf亦在IG限動，發文：「多謝各單位嘅包容同溝通，解決了問題，同時因為我嘅衝動而帶來影響深感抱歉，明白作為公眾人物嘅影響力，會繼續虛心學習，要大家操心了。」
網民對事件有不同意見，紛紛留言：「公關災難」、「真性情」、「係咪當咗自己係天后」、「份人咁低eq，睇嚟之前tg group事件係另有內情」。
Source : 娛壹
咁個主編又做左啲咩野令人咁討厭？
啱唔啱都要睇下鬧咩、好似193話153咁、仲可以有花姐補刀
貓狗好簡單，人係好複雜，佢份人太直接，低估左娛樂圈嘅是非。
我覺得比起Marf 呢單，candy 調轉鞋著仲講到好可愛先難頂
唔知主編做左咩，不過佢甘做都有百害而無一利，呢D事應該公司解決，佢太衝動
後生就係咁，呢一代係喺social media 環境大，未經過大腦就post
一出道就公開鬧雜誌主編，會唔會大膽咗啲呢……
做藝人，同記者維持好關係都好緊要。岩岩出道就得罪大佬，有幾多fans撐都難搞，做經理人又要成日拆彈。引以為戒勒後生女，娛樂圈呢碗飯唔係咁易食架。
唔知係咪覺緊輯styling ，張張影到佢佢「東」哂面
。如果係就真係好幼稚，有排調教。（不過輯相真係出事既，）
後生女表現直接啲好合理，「虛偽」係要長時間磨練㗎！
佢係真性情, 未慣娛樂圈
除非網民知道咩事，如果唔係都唔知post 出嚟有咩意義，想撐你都要有位撐㗎。
同埋Post 完唔刪就讚佢有guts，好似193 咁，道理喺自已到就唔好縮，依家顯得處事好唔成熟。
佢太衝動
性格唔改的話會繼續得罪好多行內話得事嘅人
對佢一d好處都冇
呢行有人脈，有人緣好緊要，襟撈先紅得耐
轉個頭諗，會唔會係後生嘅哩一代習慣有話直說，唔再係好似以前咁怕得罪人影響自己前途？
咁佢又冇鬧個主編，係話佢討厭姐，或者佢講左好多人心裡面果句。
係衝動，但年輕
有人話vogue 主編係臭x, 目中無人，臭串，識呢個主編既人都話marf鬧得岩。
呢d 嘢無前文後理，同Mirror 班AM team 一樣都係傳下傳下就被人鬧態度差。
因為collar 一出道就萬千寵愛， 無捱過，d fans 跟晒鏡仔果套又整巴士又整燈箱，仲有viu 咁揼本落廣告宣傳
前晚睇左七師傅，明白193 都好迷茫，佢講得啱，d fans 鐘意佢地夠真，而家又話真得滯，但我覺得無乜嘢，好似Marf 咁縮仲樣衰
都係，不過同經理人呻下咪算，而家真係傻妹