搵工一個月工左右啦，都有幾份有回頭見工。
不過有得見果D見完一係就冇考慮到我，一係就自己唔太感興趣（工種不同，見完了解過唔想做）
直至尋日有份有得見second round，見直接請我嘅老闆， 如果得就打大腦（總公司）…
之時人事部好快手，見完即日打番俾我，佢話想新年前完成個請人步驟。但係隔咗一日都冇消息，失望中… 你可能會話，都係隔一日者，但係睇佢當堂冇唒聲氣，好難樂觀覺得仲有機會（我尋日即日send thank you email，老闆簡單覆我兩句「等消息」咁上下…. 佢有話我第一個見，同時考慮緊提攜自己員工升，但見工自覺表現唔理想…. 灰咗
Sorry出咗篇放負甫，淨係想宣洩下咋，人家唔請我當然冇得迫, …. 只係好似好難搵到份咁想入的公司, .第二D公司冇搵番我都冇乜野，但俾哩間請食檸檬好有失戀的感覺
有冇試下打去問啊？
如果真係好鍾意份工，唔好怕醜打多次電話問下
當然有可能都係食檸檬
至少感覺上自己都盡力左嘛
唔使咁灰，有時啲嘢係整定嘅，加油！
無錯，焉之非福。我試過好幾間當年in 左好想入又入唔到既公司，幾年後睇返下場都慘，或者公司真係惡做，我就覺得入唔到真係好彩。
未呀，尋日見完potential老闆，佢都跟手覆我email話人事部會搵我（如果啱駛）… 可能星期一搵好D?
多謝你嘅安慰，我都好努力抽身…
好似好耐冇遇到一間咁想俾佢揀到嘅工，所以有希望便更失望
係嘅，人揀工工揀人
阿老細講到咁，其實都九成無機
我都覺
（突然間忍唔住想爆一句，一份有規模嘅工係要見幾轉。唔係一個星期就有人請果D人先至咁巴閉咁勁㗎
）
我剛剛IN, 都應該見唔成, 大家加油啦…
雖然好耐都無打工,唔係好知而家出邊行情,但知道好多人都係咁,因太多差唔多能力嘅人選擇,所以仲難揾到自己鐘意做嘅工…
諗起佢就想
但無謂搞衰我個post
最主要原因係，我唔想無啦啦俾佢拉入去屈我係佢粉絲
笑死
好明白啊，我曾經會起底未來上司然後好想好恨跟佢做野學野可惜人地睇唔起我啊，都好傷心架。
算啦，呢d野，我盡左力，最後睇緣份。係你就係你。
係，有時未必係自己唔好，始終請人都有唔少考量
同埋有時未必係你唔好，可能係見疫情突然爆，決定hold住個位唔請住，所以有時真係只係無緣
You are not alone 
唔好灰心，大公司請人好多時都要D時間等高層批，咁啱老細唔係公司都唔奇，如果唔係urgent 要人，多數要等1星期，可能下星期會有好消息。
有冇聽過吸引力法則？你愈覺得唔得，就真係唔得架喇。
比d信心自己，正面d面對先有空間諗下仲有咩可以做。例如你話in 得唔好，有無d咩位你想補充，或者你之前份工做過有proof，可以補send 返比interviewer。
盡量唔好比負面情緒影響到，你有自信嘅，就會覺得你已經準備好，只係啱嘅機遇暫時未到。當有啱嘅機會，你就會把握到。見工成功與否，其實好講你個人present出嚟嘅自信同魅力。
唔好理其他人嘅負面comment ，嗰陣見你喺嗰個post度咁緊張駁佢，其實真係無需要同嗰啲人一般見識，完全睇穿你好在乎自己失業呢個事實。你要內心夠強大，失業真係冇咩大不了。而家你準備好，夠自信內心夠強大，下一份工好快就會到。