胎動得勁唔關咖啡因事，係因為甜。
你食甜野食朱古力嗰啲， BB就會即刻有胎動㗎。
嗰陣我BB唔郁我驚，醫生教我即刻食甜嘢睇吓佢郁唔郁，萬試萬寧
同埋唔使擔心，我嗰陣都戒唔到可樂，
成日夜晚都飲半罐coke zero ，
我B而家都瞓得好好
因為可樂入邊嘅咖啡因其實好少，
反而港式奶茶係最多嘅，仲多過咖啡。孕婦每日最多可以飲一細杯。我嗰陣忍唔到都會飲半杯。
首先唔需要太緊張，孕婦嘅心情都好重要
放鬆啲，如果唔係呢40個禮拜點過
食嘢最緊要食食物嘅原形就OK，即係牛肉豬肉雞肉，蒸炒煮燉焗其實都冇問題。
如果老公唔鍾意食蒸魚，其實你可以買三文魚扒焗或者煎都得。沙甸魚其實都好健康。
但係就唔食得銀雪魚，吞拿魚等等，因為有水銀，懷孕餵人奶都唔食得。
雞蛋其實好有益，盡量食多啲雞蛋牛奶同牛肉。
菠菜，菜心都要成日食。生果我之前係咁食奇異果，同埋朝早會食蘋果。記住唔好食菠蘿香蕉，同埋其他涼嘅水果
加油呀！
5個讚
原來係咁，但我通常半夜先會有明顯胎動，
平時食完糖水或者蛋糕個D甜嘢，都好少即刻胎動
不過咖啡、奶茶、檸茶，我就一直有戒
係前日偷飲咗一茶匙奶茶
一茶匙！！呢個單位估唔到會用喺奶茶上面 
1個讚
正當我諗住落咗貨之後可以飲奶茶，然後我突然醒起我打算餵母乳，睇嚟有排都未飲得奶茶
而家每次食野前都會google下 “懷孕可否食XXX”
跟住發覺其實真係好多都唔食得 :X
係有少少失落感，雖然唔係想過分緊張···
不過如果可以為bb好都想盡量做····
我嗰陣都係，後尾我friend 話不如唔好focus喺唔可以食咩，不如諗下可以食咩同想食咩啦
之後我真係覺得開心左好多，成日諗有咩可以食放假同老公去食
2個讚
有間叫天然的，有 d 款係可以俾孕婦染髮，不過唔知邊度仲有分店了，同埋好似就甩色，好多年都無再去過，阿仔都 6 歲啦
我最初都係咁，但d陀緊第二胎嘅朋友話，其實唔係食d好涼或者好躁嘅，其他淺嚐都ok
如果成日check住唔食得d咩，呀b都會feel到媽媽嘅壓力，同埋有壓力食咗落去都冇咁吸收，所以陀到廿幾週我都冇戒口戒得咁嚴
2個讚
如果本身髮色淺，咁我會一次過染深佢直到生。
如果髮免深嘅就唔搞喇，布甸頭都唔會好明顯。