我有左之後係極少用微波爐, 一來口感麻麻二來覺得好熱氣 (幅射果D已經唔計), 都會買外賣, 但盡量唔食死一間, 而家你可以考慮下原味家作一湯一飯D餐呀, 或者置返個私伙BRUNO 電飯盒, 我覺得幾好, 健康D
晚餐可以煎下豬扒牛扒, 茄汁, 蒜蓉, 洋蔥…變換下, 乾手淨腳蒸碟排骨, 蒸水蛋又得, 炒豬肉都可以用下其他瓜菜, 脆玉瓜, 青瓜, 絲瓜…, 金菇牛肉卷, 津白蛋角, 煎釀三寶, 薯仔炆雞翼/排骨都係我覺得幾易煮嘅家常菜 (煮多D帶埋第2 日飯簡直PERFECT!)
1個讚
我備孕開始就係自己帶飯，都係用微波爐，係咪真係唔係咁好呀？
係咪真係買個電飯盒會好d？
其實我包滴雞精都係frozen，每早都係微波爐解凍···· 
或者你自己感受下, 我果個年代無電飯盒 (我女都OVER 10歲), 所以都有用微波爐, 但自己感覺唔好, 覺得好熱氣(一食就生痱滋)
而家我自己返工都用電飯盒, 我覺得超值得投資囉, 一來唔駛同人迫叮飯; 二來翻熱食物熱度剛剛好, 唔會好似微波翻煮一次咁搞到乾曬; 三來自私食衛生D~
好～因為我都係近呢半年先開始帶飯·· 咁就無覺得熱氣嘅
係擔心而家有左係咪唔健康姐～
如果公司用電飯盒（自己位），會唔會好大煙同埋好大陣味？
Thanks
同埋新手··· （廚房新手+懷孕新手），係咪d午餐肉，腸仔全部唔好食？
咁係咪氣炸窩嘅食物都唔好？
唔會, 我覺得叮飯仲大陣味
戒到就戒啦, 戒唔到就唔好食咁密, 日日食就一定係密
唔係講笑, 我果時食火腿通齋食粉 
D火腿比晒老公食, 飲左成年熱檸水, 一生完我大解放飲返最愛嘅奶茶咖啡可樂~ (真係信不信由你, 唔戒咖啡奶茶嘅媽媽話BB出世係瞓得差D, 容易醒, 我女就自細都係睡眠寶寶, 瞓覺完全唔駛勞氣)
1個讚
死啦….我去到廿幾週成日忍唔住飲可樂，我而家都擔心呀b會瞓得差
咁你而家有無FEEL到胎動, 係咪飲可樂會郁得勁D?
唔應該食
好勁呀，隨便都可以講到咁多款
多謝你分享
我之前會訂燉湯+飯做lunch ,好過一搬外賣，可以諗下。
微波感覺唔太好
有胎動呀，但飲完又冇特別次次郁得勁咗可能飲10次，有2、3次飲完就郁得明顯少少，唔知關唔關事
我問過私家醫生同醫院護士都話可以食片裝芝士
聽講可樂有咖啡因所以唔好飲，但雪碧，7起果啲冇咖啡因，所以飲得，其實係咪？
我個陣都有聽過，但自己實在太為食忍唔住
不過雪碧、七喜嘅糖份好似相對高d
我戒飲汽水係因為凍，高糖，咖啡因
汽水唔凍又唔好飲，但想像下成日有人用凍水淋你都幾慘，廢事阿B辛苦啦 
第一胎驚有糖尿(又驚增磅太多太快有肚紋) 所以平時唔飲太甜，印象中成個孕期我偷雞飲過2次汽水咋
我都覺得好勁，功力深厚呀
你好乖呀
我中期都忍到，但我媽同我老公成日引我，我自己定力又唔夠，所以飲咗
你個比喻又幾好，我都要少啲飲凍嘢
不過我就生喇
咁咪照食囉