兩年前右下大牙蛀左，做左杜牙根
果陣牙醫無話一定要落牙套就無落到
呢家衰左，隻牙仔開始有崩口
牙醫話一係植牙，一係可以補多一次不過唔知捱到幾耐
好驚做植牙，好似好恐怖咁
有無jm做過植牙，可唔可以分享經驗
如果係我會補多一次跟住今次做牙套，俾多次機會隻牙。
2個讚
我之前隻大牙都係類似情況,補左兩次最終都要植!
個個情況唔同，留得到都應試下，始終真牙好啲
請問有冇植牙 牙醫介紹呀?
好多年前做我都唔記得好清楚。大約係要去做牙模,之後種隻腳,再之後先再砌隻假牙上去
隻牙再補都唔會留得耐，直接植牙啦~
保住隻牙先, 記得做埋套保護。
植牙也未必是一勞永逸, 視乎你牙牀骨牙肉情況。
2個讚
我冇做過，我朋友爸爸做左，過左幾年移左位，之後搵另一個牙醫做話上個牙醫手勢吾好，要重新再整，所以都好考牙醫手勢
補到既話，緊係即做牙套啦，搵埋另一個醫生意見啦。
最後先係植牙。
保得就保，牙醫話植牙拔牙嘅話，搵另一醫生多次。
植牙要整啲金屬落去，有啲人連戴純銀耳環都會發炎，其實植牙用幾靚料都有可能發炎，到時一樣再搞過。
最緊要係植牙快靚正錢易賺 
1個讚
唔恐怖，最痛係落牙莊個下，之後無咩野
利申：兩年前植左大臼齒，兩個月前覆診好正常
牙醫都話唔知捱到幾耐, 不如直接植牙
我都諗緊比唔比多次機會隻牙仔，但又驚好快玩完 
植牙好似好恐怖咁，仲要植兩次
可以講下去邊到植嗎？植一隻牙大概要幾多錢？如能介紹醫生最好，thx！
我係祐德到做，得一位醫生專做植牙，二萬零蚊
要剝左隻牙, 再等大幾2個月等傷口埋曬先開始植牙, 植個陣我覺得最痛係支麻醉針, 之後無感覺, 但麻醉過後有少少酸痛, 不過OK既。之後一星期左右就拆線整牙模, 再等2-3個月就上返隻牙上去。
補充一句，個位醫生行內做植牙好多年，好專業，我唔開名了，如你需要就直接去問祐德
睇你杜牙根隻牙如何，如果可以補救既話當然繼續用，不過一定要整牙套
如果捱唔到幾耐，不如植牙，一勞永逸