小朋友上年9月先返n班，今日學校話下星期起開始zoom class, 一個2歲幾嘅小朋友真係得咩？
有經驗嘅爸爸媽媽可以分享下嗎？
我決定放棄，我同老師講咗唔上，但學校放出嚟既教學片我會睇完自己教佢
4個讚
番N就係想佢離開父母學下自立，係屋企上堂仲衰過playgroup
7個讚
的確有老師可以係zoom 教pn教得非常好、首先會派materials pack for 上zoom用、上zoom 時有遊戲、活動、歌、手工等配合小孩坐到大約半小時。
我覺得同播 YouTube 啲片嘅功效唔係差咁遠…
1個讚
會係一陣擾攘聲同父母工人長老大叫聲下草草完結
7個讚
我阿女都係n班，下星期開始上zoom
我個女係超細b，啱啱1月先開始返學，返唔夠兩個星期就停課，真係好灰🥲
我會照比佢上zoom，等佢有啲勢藝都好
n 班上 Zoom 其實係為老師保住份工，成件事只係學校得益，小朋友係完全唔需要，你同學校講，唔想小朋友咁細個就對住個Mon.
13個讚
其實edb出左指引話幼兒唔適合上zoom, 所以其實係曬氣。為既係家長比左錢，有d野睇到而心裡過得去，但一d都唔effective.
如果真係想要成效，至少要家長指引，要家長陪睇。
比較好既做法，係家長上完學左，係屋企同小朋友做返出黎，但都明白好難ga la
1個讚
以前我女停課學校都有呢個安排，不過要家長同佢整，叫做好過冇
我覺得成效唔高，我囡算坐得定，都學到野，學校有派學習包，全部野家長陪做，但我自己返N 係想佢有社交同唔好咁怕生保人，呢二方面就無咩用。
但上zoom 等佢keep 住認到老師同學，咁再面授佢真係完全無問題，同埋家長都配合，無嘈到上唔到堂嘅情況。
返 n 班其實最大目的係令小朋友膽大啲和習慣學校生活，咁 in 名幼 K1 會著數啲，至少唔會驚到喊，呢啲嘢係屋企睇幾多 zoom 都無用，因為見陌生人少咗好多，大腦少咗好多刺激，呢一代人反應會慢啲。
我啲經驗係十幾年前嘅事，可能依家唔 update.
1個讚
咁細對mon 咁耐真係唔好、自己youtube 播半個鐘片當娛樂都好夠、其實小學上zoom都成效麻麻、剛zoom 時做過書僮、老師會花幾多時間維持課堂秩序
我自己就唔係for名校，係訓練小朋友獨立自理，同輩社交，集體生活紀律，我覺得呢d重要過讀名校。
我2個小朋友就好明顯，大女有讀n 2歲幾已經好正經同大人傾計，同大人一齊食飯戒哂片，細仔冇讀n 2歲幾仲成個bb咁。
4個讚
要有大人全程陪讀，初初小朋友會不停走嚟走去，大人要捉佢返嚟坐低。
成效老實讀就無咩㗎啦，但我小朋友好開心有父母陪玩囉。如果長時間停課，又唔係名校，N班就quit啦，2020年嘅時間，都好多人quit N班。
係呀、等於要家長參與、係達不到返n /返學真正的目的。如2-3 月仲未復課, 又會有一大批n退學
唔好話2歲咁細… 連小學/中學D小朋友都唔會專心到啦…
你本身叫佢坐定就已經唔係咁容易既一件事
舊年就係咁，好多人退左，點知又復返課，啲同學想返返學又無位
N 班上zoom簡直嘥氣, 比我唔會上，當請假。
1個讚
唔好打頭…
我細個個小朋友今年N , 已經見識過呢幾年啲ZOOM 對小朋友跟本就冇用, 仲要咁細個.,…
所以自從呀邊個話啲細路要網課, 同日我已即到銀行CUT 學費同車費AUTOPAY, 如果佢一意孤行打針先俾返學, 我即退學…