同住既叔仔係弱智+輕度自閉。
見到99同佢溝通既方法真係唔係咁理想，好多時都係用鬧 喝既語氣，所以細佬好易發脾氣，自己咬自己發洩，成日都咬到口腔發炎發到一毫子咁大既朧。
希望要好好正視問題，作為家長，應該學習點樣同小朋友溝通，仲要教育埋四大長老簡單應對。
依家歲半仲細，可以訓練改善，一定要把握時間。
1個讚
係 所以我放棄兼收位
就算排到 上得個幾個月
到不如我親自教
唔認同
- 真係有事，越早介入越好
- 政府服務條隊好長，早排有著數
- 真係專業既，一定睇到小朋友有事定無事，因小朋友每一個階段都有唔同的developmental milestone
2個讚
不過你要睇吓間學校嘅要求，如果面試時講有機會不獲取錄
所以你睇吓要唔要入咗學至問
不過如果你小朋友嘅問題好明顯，其實有經驗嘅老師都會睇得出
第一間幼稚園，
面試第二次即時話佢唔聽指令，又唔彩人，
我哋無辦法教佢。
決定唔收。
除咗k3畢業外，就係睇吓有冇小朋友中途轉校，咁都會多番啲位出嚟，不過li個機會就少出現d
同埋睇你到校個機構個條team full唔full，同埋其實而家到校已經加到九千個位，比之前多咗，而我所知有好多學校到而家都未收齊兼收仔
第一間甘講野架
老實說 一個大人去到陌生環境
都未必出聲同其他人好有交流甘
何況係一個未夠3歲既小朋友
不過要second in既學校多數係谷/名校
個啲要係smart既學生既
一係父母都係有專業背景或家底先考慮
嘩……間學校咁講嘢嘅
私校嚟㗎？
政府幼稚園，
唔係村校。
我細仔依家19個月, 都係好似聽唔明指示, 唔多理人&同人冇互動咁.
我有懷疑過係咪因為疫情, 嗰年出世嘅小朋友, 同其他人 (同屋以外)會比較難溝通, 佢哋其實真係未試過喺街見過一個陌生人嘅樣子
1個讚
學前只有NGO辦學團體同私校，
冇政府幼稚園
不過重點係個間學校咁講嘢好傷害人
1個讚
老師直接同我老公講，
佢唔識聽指令去間間幼稚園面試結果都係一樣。
初初都好灰心，
但盡力去做，
總有學校願意收。
4個讚
又咁講, 多謝呢位老師講嘢咁直接同唔體諒人, 起碼你會盡早尋求解決方法
我大仔幼稚園嗰陣, 老師講到一忽忽咁, 搞到要K3先join到ngo第一層支援計劃
我侄仔舊年去做私人評估, 之後排咗幾個月去咗協康會上咗大半年, 見到佢慢慢有進步, 早啲去做評估, 早啲幫到佢哋
之前去面試都有幾間幼稚園收咗佢, 最後佢而家係NGO嘅幼稚園讀緊K1, 唔好灰心, 加油
嘩……講到咁刻薄嘅
我面試時，見到d 有sen需要嘅小朋友，唔會同家長講到咁直接，太傷人喇….但會俾d簡單屋企做到嘅訓練建議家長，同埋都會問多啲小朋友屋企表現，了解吓係管教問題定真係小朋友個別差異，有時同家長傾完計，自己心裡會初步評估下幫唔幫到佢，如果覺得幫到都會建議校長收li d小朋友，但都會建議家長去做評估，因為知道咗個診斷，老師會比較有方向性幫小朋友
所以我成日同家長講，去做評估就好似去睇醫生咁，有事就可以早啲對症下藥，冇事咪當身體檢查，買個安心……因為好多家長都接受唔到自己個小朋友要做評估，好驚面對個結果，但正正咁樣浪費咗小朋友好多時間
所以媽媽唔使灰心，唔會間間都唔收，總有學校係會願意幫佢
1個讚
其實小朋友有自閉傾向, 家長更加要積極面對. 我小朋友自細都係唔肯望人同唔聽人指令, 係未入N班前去私人機構做評估, 發現有少少發展及說話遲緩同自閉傾向, 於事我地安排佢上堂, 係屋企都有同佢做下訓練, 同埋鼓勵佢係公園同其他小朋友玩, 如果佢唔肯, 我地唔會迫佢, 以免佢怕左同人接觸. 上到K1, 學校有到校課程就停左私人班. 做左一排訓練, 佢又進番D進度, 同埋願意同其他小朋友接觸. 咁當然唔可以要求小朋友兩三個月就有大改變, 慢慢黎啦, 無得心急.
3個讚
如果個個家長都好似你咁明白就好喇，我哋就唔使成日覺得個小朋友嘅時間被嘥咗
依然有好多家長接受唔到，成日覺得個小朋友大d就會好，如果冇適當幫助，又點會冇啦啦變好
認真，如果發現有唔對路要盡快
但，可以等夠2歲到去做心理學家度做全面評估，因為太細，認知真係未發展得好，好多野評估嘅野佢未必明
社署只受全面評估，言語評估雖然平，但因係言語治療師做
，社署係唔受的
政府要1.5歲開始chur健康院，好彩在2歲幫你轉介俾醫生
記住黃金期係6歲前
政府我上年年頭排，話要今年年中先有得做評估
做時已經3.5歲，再排埋，已經4歲
因為到校嗰啲位係4 月派一大水，6，7月派水尾
所以我自己帶左小朋友做，上年3月做
4月拎報告即排，好在都加左服務位
上年9月開學已經有服務
我小朋友進要speech delay
但返左N已經進步左好多
治療師都話佢一次好過一次
我由頭講一次阿女個情況呀
歲半左右返健康院打針，姑娘問佢嘅發展情況，發現佢樣樣嘢都遲，之後就轉介政府兒科
排咗兩星期就有得睇政府兒科，兒科醫生做咗個簡單嘅評估，就轉介去政府智能評估中心做評估，另外就轉介咗見醫務社工
兒科醫生話政府做評估等得耐，可以自費做咗評估先，就介紹咗幾個ngo做評估
而醫務社工已經即刻幫阿女排政府位上訓練班
跟住就預約智能評估中心果邊做個初步見面，大約兩星期左右可以見姑娘，都係問返啲小朋友嘅情況，姑娘大約比咗個期做評估，要排1年2個月
因為政府果邊等得太耐，所以都係想自費做咗評估先
排協康會做評估，自費$6500，排左兩個月先有得做
評估之後都係話樣樣嘢都遲，有自閉症傾向，建議咗一啲訓練課程，都係協康會攪嘅
評估之後一星期左右就可以返去協康會攞報告，有咗報告就可以報訓練班，報其他機構攪嘅課程都可以
但睇過啲價錢，就算ngo攪，報半晝班每星期兩日，都要5千幾蚊1個月，都幾貴
如果排到政府位，就百幾蚊一個月
啱啱又話停課，所以暫時都唔報訓練班住，等政府位果邊再排吓先
5個讚