阿仔20個月唔識聽指令，
又唔太理人，
成日自己一個玩。
之前報左兩間n班，
一間面試失敗左，
另一間叫佢下星期去面試。
我屋企人話依家佢咩都唔識，
去n班佢依家既情況就係曬錢。
建議我哋帶仔去私家做評估，
我話問下老公先，
老公無出聲。
長老就話大大下會好，
我仔無問題既。
唔好攪禁多野。
等到佢3歲先讀幼稚園啦。
我就話我其實最擔心既係無幼稚園願意收佢。
長老話bb無問題既，我唔好亂講野啦。
你揀果間幼稚園唔好。
（因為我揀果間幼稚園收埋特殊生）
聽完有啲唔開心。
有懷疑就應該去求證，唔係大家都估估吓，無謂第日後悔嘛~
2個讚
已經排緊政府評估中心。
更加需要上n班，因為n班就係訓練聽指令，平過上訓練班
4個讚
如果有疑慮就排咗私家評估先，私家評估可能都要等半年，越早治療越好。之前有冇帶小朋友上playgroup？同多啲同齡小朋友相處都係好事，不過而家疫情又唔可以去住。如果你有時間就睇下D教自卑症嘅書，父母幫忙治療其實係最好。我小朋友讀K1時懷疑有ADHD，排政府大約要等1-2年先可以接受治療，我都係自己睇書，盡量自己幫佢先，你都要加油
1個讚
18個月時，健康院點講？
其實我自己都懷疑佢係自閉。
依家都唔識主動攞野比人。
成日中意斜眼望人之類。
第1：考左先，收先再諗。
第2：好多卷幼都有兼收計劃（應該係你屋企人所指嘅特殊生）。
第3：返左n班，如有咩問題老師會再講，有埋學校嘅報告對小朋友更有幫助
不過，收左又去到9月再算，如果又爆到癲，你都未必敢比佢返學。
18個月既時候姑娘發現同佢講嘢，
佢無反應，自己一個人玩。
轉介左俾醫生。
見完醫生就轉介去評估。
我都係咁諗。
屋企人都咁講。
同路人⋯⋯
我小朋友19個半月，上playgroup完全無視哂老師指令，係當聽唔到果種完全無反應，只識自娛
係屋企叫佢拎野都係唔拎，但叫佢錫錫/開關門/拍下手果啲佢又識
我都好懷疑佢係唔識定唔肯做⋯老公都係覺得我
杞人憂天
咁其他人同佢講野係咪都無反應？
1歲左右已經發現就算有其他小朋友在場，
佢都唔同人玩。
中意走埋一兩角。
無眼神接觸。
其實你自己都知應該點做啦，就係評估+照報n 班。其他人嘅意見尤其冇實則建設性嘅可以不理喎，定係你係想圍爐講佢哋？
做你認為對佢最好嘅嘢啦，如果佢真係需要特別幫助的話，你而家開始幫助佢，你同佢日後條路會好行好多。
5個讚
樓主你決定會唔會帶佢去私家做評估？
長輩唔好理啦，聽完就算，上一代都冇理呢啲嘢，佢哋都未必知。
呢啲嘢最驚遲咗知就Miss咗佢訓練黃金期。
如果去咗做評估發現冇嘢，咪當用少少錢攞個安心囉。
1個讚
我同bb爸爸
對特殊教育唔係禁熟識，
覺得有啲迷惘，
唔知條路點行，
多謝大家建議。
1個讚
老人家永遠都會話大大下就會好，如果你認同就唔會上黎問啦！概然有懷疑而自己又唔識搞，就要搵專業人士，好似協康呢類去做評估，另一方面你都要睇吓書、參加下講座，睇吓可以點樣協助小朋友
1個讚
唔好話老人家，就算我哋做細果陣都無分咁多不同類型咩自閉學習障礙等等，所以在佢哋角度實覺得無問題係庸人自擾。
而家回想以前班裡的同學，又或者勁勤力但成績好差果d同學都可能係有問題而無處理
成績差只會比父母覺得你懶，
唔俾心機讀書。
老師投訴自己成績差父母覺得無面，
就會打自己小朋友發洩。
打多啲就會佢會怕左我。
就會聽話。
如果有兄弟姊妹就會攞兄弟姊妹比較一下。
你學下邊個邊個佢幾叻。
你自己好好檢討下自己。
大概呢啲說話。
照樓主形容，我覺得應該有自閉傾向的，只係差在咩程度。搵私家做評估先，應該可以及早幫助bb，希望將本來既程度再降低。題外話，其實好多人或多或少都有自閉傾向，如果加上家庭和專家幫助，應該會成長得更好。