求戒埋身餵奶方法 及 分享打針餵奶經歷
BB 而家16個月大，其實早1個月已比佢早或晚飲奶粉 佢係鐘意飲
但訓覺前仍要啜媽媽奶
半夜醒都會叫"奶奶"
我有同佢講媽媽無奶奶 你大個女啦/拍睡/爸爸哄睡都唔得
BB 好傷心喊 不斷叫奶奶 我又唔忍心
因為覺得呢個係我同佢之間的love bonding
我亦明白佢甘樣係我一直比佢養成的習慣及只係安撫作用
但最新公佈的防疫措施 2月24 要打左針先可以入食肆 學校。。。同其他方面的壓力
所以諗緊決絕戒奶後打針 或 照打針照餵
想問打左針仍有餵奶的媽媽， BB同媽媽有無咩野呢 ? 因為我又有D 杞人憂天
唔該哂
我打左針(復必泰) 照餵。當時 bb 14個月大, 政府剛剛改指引話孕婦同哺乳媽媽可打針。我自己就微燒, 頭重重2日, 淋巴漲一星期, 然後無事, bb唔覺有啲咩…
大仔以前都係全埋身 (除左返工要泵), 到返 PN (2歳3個月上下) 我開始洗佢腦話無奶奶喇… 每晚瞓前佢埋身我都講一大輪先比佢食。又叫身邊親戚一齊講, 後來佢好似都接受到, 大個左瞓得叻左, 攬住就瞓到, 到2歳8個月就自然離乳喇…
我覺得 bb 最後都會戒到, 不過好難 set 邊月邊日戒, 不停引導佢, 等佢 ready 就會成功 
未有Covid前因為要出差離開屋企3日2夜, 其間因為亂食嘢(好似食豬紅)點知收咗奶, 得返極少. 返屋企後第一時間埋身, BB 啜2啜推開我唔要, 就係咁戒咗奶. 嗰時佢18個月大. 出差前佢都係要晚晚奶睡, 半夜要啜嚟安撫. 要狠心啲試吓2晚唔返屋企訓(酒店或返外家), 食埋回奶食物, 第三晚話唔定戒到?
上年7-8月打左兩針biontech，當時bb 9-10個月，一直有繼續餵奶，但隨住佢加固減少，上個月掛埋泵，只係早晚埋身，大人細路sofar都無特別
見有媽媽試過貼塊膠布係乳房話比bb聽受咗傷，從而戒咗
我囡四個月，只係奶睡時飲媽媽奶
我打左兩針第二個星期，我同bb都無特別反應
我都係睇左呢個，所以先安心打針
thanks 但而家好難走佬 要同婆婆夾下先
我最想都係自然離乳
thanks 我都參考下先
我喺小朋友2y3m時打，打完照埋身（戒淨臨瞓一次），無咩特別
臨訓前食有冇刷埋牙先訓
定要食住訓？
我每晚臨瞓都會餵一次
打咗Biontech兩針,阿女完全冇事
仔仔16、17m時打哂兩針，照全埋身，冇咩特別事
