由唔知幾時開始就有呢個症狀，初初以為自己有咩腸胃病
後尾照曬腸鏡，睇醫生先知係腸易激綜合症，唔知各位jm有冇聽過
入正題，有腸易激既生活真係好辛苦
你會唔知點解無啦啦肚痛，肚痾，係非常痛非常急個隻
只要稍微少少放鬆，就會變噴射機個隻
去廁所痾次次都痾爛，痾得核突，清潔又麻煩
而且商場廁所又多人，我尋日係APM排左半個鐘先入到廁格
忍到到我面青口唇白，差少少頭暈眼花
…….
好辛苦，好困擾日常生活
有無人一齊黎圍爐取暖
2個讚
咁慘
聽講有時有可能因為心理問題都會有類似徵狀
我有朋友, 一緊張, 情緒一有起伏就會爆肚痛.
我陪佢睇醫生先學到, 原來腸胃病 好多時…90% 都係情緒 / 精神問題多於真係腸胃有事.
3個讚
試下肚痛時用力按住虎口位，對我好work
我都有腸易激，真系好難搞，搭車都吾敢搭長途車，試過搭搭下黎料忍得好辛苦
你係咪上年開始有？
我覺得好似好多人上年困住幾個月唔出街，情緒問題陸續浮面
我上年都有情緒問題
又係怕肚痛肚痾
好怕坐車，怕塞車
坐車或者地鐵就會緊張
覺得自己會肚痾 
我明啊，我10幾年都係，食自助餐或食好油都會。我最後戒任何凍嘢，生冷野就會好啲。
又或者，如果我知道食完個餐我會即刻返屋企，我就會放肆少少
同飲多啲暖水都有幫助
我都明啊，最早病發係中四，考試日入咗急症
仲要無人明你點解痛到面容扭曲~痛到懷疑自己患咗絕症。
你係咪情形就會出現？
1個讚
試下針灸，可能幫到你。
揀有大學教授或醫管局backup的會好啲啲。
有朋友試過，有改變
我都唔記得啦，好似係呢一兩年既事
初初嚇到賴屎，以為自己有咩絕症，拿拿林做過全身檢查 
係咪食完嘢會咁？
或者心理有冇咩轉變呀？
我會呀，不過屙完就冇事。
我fd都係咁不過冇咁嚴重, 但好處係從來都唔會便祕~~~
我阿媽以前都係，差不多每個地鐵站都試過借廁所（以前站內無廁所，要問職員借），每次出街如果佢話肚痛，我要即刻同佢搵廁所，跑快兩步幫佢覇住廁格先，亦都有試過要幫佢買紙底褲
佢係靠飲食（完全唔食生冷寒涼野）同埋睇中醫調理，最近幾年先好返好多
2個讚
我都有腸易激好好多年，touch wood食益生菌已經無事，當然有介口少食fodmap 
我仔以前都係咁，
佢不單易肚痛也易感冒，
常常都睇醫生，
睇中醫師介紹咗「霍香正氣丸」，
每次肚痛或者肚痾就食，無事就唔食，
如事者⋯⋯
日子耐左都明顯好咗好多，次數少咗，
我自讀大學同出嚟做野就好易疴，我試過考試中途肚疴，又試過hold event前肚痛，之後唯有考試前同hold event前只食chocolate bar或飲齋啡頂肚，完咗先食正餐。
我照過胃鏡，話有幽門螺旋菌。食完療程後，同埋工作耐左，少咗係工作上肚痛。但只要食得油或食自助餐，就好易又肚疴。但我係街邊食煲仔飯都唔會有事，但一食生冷野就好易出事。後來我真係戒凍飲同生冷野，同生仔坐完月後就好左好多。而家都有時會食兩三件魚生。或者知自己食完就返屋企，就放肆啲。不過都戒左凍飲好多年，同飲多暖水。肚痛情況就減少。
最怕搭長途車、塞車
緊張或者唔夠瞓又要早起，都會肚痛.
太油、少少污糟同埋食海鮮都易出事，
所以出街食嘢又去得遠嘅話，會小心揀嘢食.
海鮮呢啲最好係屋企食啦.
間中食下益生菌，好似比幾年前情況好啲.
我阿媽都係食呢個，一定有帶住傍身
另外我自己每次好肚痛時，會搽雙飛人