我們知道，個個媽媽都係SUper Women，由大肚到生仔十級痛、再埋身餵奶、捱更抵夜照顧！媽媽角色具體而且深刻，母性亦都特別明顯。而且，好多新手父母的資訊，新手群組，醫療服務對象都主要係媽媽和BB。
媽媽和BB都係最需要支援的。不過我同樣相信，對細路的成長，爸爸是重要的。不過在種種原因下，爸爸的角色總係比較容易落後；在做父母心態上，遲遲都追唔上。
有冇人想搵到關於「學做爸爸」的事？
就係咁，我地NGO #好爸爸中心 特登打造了八課自學（八課都係免費，唔係賣嘢），【新手爸爸Learning Kit】，俾新手爸爸自己睇，在頭腦和心態上，可以盡早Catch UP。
做爸爸係咪有得學？有！除了手板眼見的功夫之外，仲要知多D心態。
聽過有D男人傾向唔想睇字，所以我地就盡量做多Ｄ圖、有限BUDGET但都高質的動畫片、一段段短的字，少少提問，幾句鼓勵，有興趣可以玩埋個「課後小測」。希望可以係爸爸每日返工，用十幾分鐘係手機度LOOK LOOK LOOK，就可以睇完一課，知道關於做爸爸的八個課題:
第一課 : 安全感 - 與幼兒相處．提升安全感
第二課 : 接納 - 以應付孩子哭啼．學習接納
第三課 : 守門人 - 認識太太的守門行為
第四課 : 協作 - 發展良好的親職協作
第五課 : 摒除 - 用新手法實踐爸爸的任務
第六課 : 管教 - 不用太惡．認識管教風格
第七課 : 敏銳 - 學習設身處地．站在孩子角度
第八課 : 抽空 - 再忙碌都有辦法投入父職
希望咁樣，可以同香港既新手爸爸一齊努力，發揮好自己的角色！
「爸爸」的真正用家都係下一代，希望有用心的關係，可以令到下一代係最黑暗困難的處境下，都仍然有力、有方向咁行下去！
入去望下先。覺得好，就介紹俾身邊的新手爸爸。
香港爸爸，加油！
