Hello， 我12月9日當日iui，
23號開估當日晨尿驗到有淺線，當日返去驗血(但當日未有通知)，
24號晨尿CB驗孕十字再加深咗，諗住成功，
25號晨尿CB電子捧寫Pregnant，
因為 Christmas 醫生放假，姑娘話要醫生睇咗report先會話我知，
我仲滿心歡喜諗住一take pass…
點知去到31號，姑娘打比我問我期間仲有冇驗孕，25號之後我無再驗，佢叫我當刻即刻驗，醫生懷疑係化學懷孕，
我個刻已經喊，之後去驗，發現Negative。
姑娘無講D咩，只係叫我停塞小白球，2日後就會後M，今次M唔計，下次黎M時如果想再試，就打俾佢地約時間。
請問有冇JM試過這種 Case，其實係咪要自己去搵化驗所check兩公婆染色體檢測，甲狀腺/副甲狀腺檢查。
呢2日好down，諗諗下又喊，這是我的第一次經歷…
唔識，幫忙push
希望你收拾心情，準備好心情期待下次
Good luck to u
真係唔識, 都係第一次聽化學懷孕… Anyway, 你同BB 緣份未到啫, 放鬆心情, 好好照顧自己身心健康…上天一定一定會派個開心小寶寶俾你…
其實睇開個醫生最清楚你情況，可以聽下佢意見先。
驗孕棒真係唔好當真，內子驗到孕，抽幾次血，hcg一直升，正常升幅，但照唔到有野，醫生診斷宮外孕。已經唔係擔心個細，係擔心個大。
其實好多人都有類似經歷，只係現實世界唔會同人講。
係呀，現實真係好難同人講 ><
我之前IUI 都係化學懷孕呀
Day 14 驗好明顯有2條線，中午番去抽血時，姑娘仲話好大機會係中左，點知臨放工就收到電話，話個懷孕指數好低，叫我過多幾日再番去抽血，最後證實化學懷孕…
心情真係好似坐過山車咁…
係，直情跌咗落深淵~
咁你之後有冇再試iui呀 ? 或者有冇做D咩檢測去搵原因ar ?
很早期發現化學懷孕, 多數因為胚胎質素唔夠靚仔長唔倒 
直到你成功懷孕同埋生完BB之後呢啲經驗都會好珍貴可以同人分享。
咁係咪要食維他命補充一下~~
我收拾心情, 尋晚開始做運動(慢行跑步機45分鐘), warm up返個身體先~
希望下次有機會
Keep pray 
諗住再試多一次IUI就算,因為我老公D 精子形態好差，有買supplement 俾佢食，睇下有無用
我c6洗丁前得1%, 但洗後有3%, 雖然都係唔達標, 但都有機會ga ~
我哋都唔好放棄，加油 !!
有時都係咁岩嗰粒緣份未到 
但針對卵子嘅質素可補充啲蛋白質、Q10，都係製造細胞元素。
老公都好緊要，不煙不酒不夜訓，否則影響形態。其次老公食多啲蛋白質鉀質（eg生蠔)
自己年紀唔細，真係補充維他命先得
宜家我返工前盡量飲碗湯先出門口，返到公司早餐食隻蛋同蕃薯，
中間焗黑豆水飲下~食下維他命～
做下運動，養好身體，希望下次有機會 
好彩c6不煙不酒，不過會夜訓，我已經引導佢早啲上床訓 (2300左右)
其實 c6 好好，應承咗我介可樂（盡量介凍飲)，同埋佢買咗維他命自己食
祈禱希望下次可以痴實同健健康康
備孕 JM 一齊加油，正能量 
不用太傷心（雖然我知道好難，我自己都係過來人）
好大機會個胎本身有問題，quality唔夠好，佢先至會細胞分裂唔到，自動流失。就算佢早期痴到喺度，唔夠好嘅胎遲啲都會自己走，到時仲傷心。
可以咁樣諗，你做咁多嘢，都係想有個健康嘅BB。所以個天想比最好嘅baby你. 加油！
我都係咁諗，愈早走，會無咁傷心～
我會加油 謝謝你
真係有好多關要過, 唔好灰心, 一齊加油~
加油
我老公精子型態都係1%
試左兩次iui 唔成功
最後係食排卵藥自然懷孕……依家27wks
ps 我淨係食葉酸…我老公咩都冇食….
多謝你同恭喜你呀
祝你身體健康，生個活潑可愛虎BB 
係懷孕這條路上，真係會經歷好多起跌，別太傷心，再黎過，多做運動，食補充品，正能量，Bb會來到身邊的。