同先生結婚差唔多十年都未試過自然懷孕，排了政府ivf, 8月時開針成功懷孕，可惜bb執漏野7w時無左心跳，好不容易挨過了藥流（藥流個一星期身心都痛楚，情緒勁差成日喊）
本來預計了三月會再開針，但依家政府又要迫人打針，疫苗副作用會唔會影響懷孕數據又唔清晰，好怕打又針老公同我身體都有影響而影響埋生b計劃，年紀都高齡了，心情又再次很低落，不知如是好
3個讚
我係你我就唔打住，你係因為去餐廳食所以想打針？
4個讚
可以參考吓，但自行判斷：
2個讚
排政府 IVF， 到時佢入政府醫院都要打啦
我諗冇人知道支針對你受孕或者將來個胎有冇影響
不要想太多，做曬自己可以做嘅嘢，其他交畀個天就得啦
2個讚
me too 爭紮中
學到嘢，多謝指教
唔去餐廳食飯對我影響不大，但先生係外出工作，佢唔打就等於之前無堂食甘，佢打我都擔心，除左健康都可能要停一排先可造人
2個讚
我想堅持到現狀應該係最好，因為打左有機會有事亦有機會無事，但唔想博
我都想生，繼續堅持唔打到最後一刻，琴日聽倒個垃圾政策，無力感好重
9個讚
見到班狗官出黎廢up就熄電視，其實依家怕佢連去醫院都一定要打左針先得，我地呢d想生b做ivf既人受影響外，仲有一班長期病患或長者仲慘，睇醫生為治療延長生命，到頭來要被迫打針命都無埋
佢可以谷針，但用啲九流方法迫針就正人渣嚟
2個讚
同路人，我都係諗住迫到最後先打，但打完都抖下先再諗有bb！
無力感重到唔知講咩好。。。
3個讚
我係打完先去準備, 因為預左有咁既一日, 打完一個月都冇就BINGO左, 其實都冇咩影響
1個讚
政府咁迫法，唔打可能會冇咗份工，屋企有老有嫩要養…人生交叉點，來生不做香港人
咪打住，你去啲whatsapp 媽媽group 打聽吓先，老婆話有幾個第二胎打疫苗後流產
（我唔知懷孕同打針先後次序）
醫院疫苗氣泡唔係只包括醫護？求診人士應該唔計喎。
當然，遲D又新增入疫苗氣泡都唔出奇
暫時未睇到話求診人士要打, 第時去產檢果啲都要打搞到冇人去嘅, 睇下醫院驚啲定孕婦驚啲丫…
多數人有私家醫生睇住唔會怕, 但係公立醫院一啲資料都冇嘅話係佢地自己難做
我又唔信要打左針先上得病房入產房啦…個個係屋企生揾救護員接生咩 
應該打mRNA會好D掛?!
我而家仲頂緊。。。但份工嚟緊要迫打。。。
2個讚
我都識幾個朋友。有左后打針。之后小產左。吾係想嚇你。而家識3.4個朋友都係咁。