我肚痛過程好似一年比一年痛苦咁，
去一次唔夠，要去兩次。
去完第二次，第二日食嘢落肚個肚又會痛番。
肚痛過程，痛到成個身都震曬手腳冰曬，痛到好似生仔咁要孿埋個人，但又無得去，痛好耐大痛幾次先真係有得去。
近排（好地地瞓係張床突然搞肚痛）去咗兩次都唔夠，出入廁所５，６次重覆番上面過程，差不多個半鐘先放監。
第二日完全唔想食嘢，食少少個肚繼續痛，要第三日先正常。
但我見我老公肚痛無嘢咁，個樣唔會嗱埋仲可以施施然入去，唔會好似我咁誇張。
1個讚
有無睇過醫生？
無呀。
你地食錯嘢搞肚痛，唔辛苦？
睇完你既形容，似濕熱肚痛，因為我都有
買定保濟丸下次試吓？
去到廁所就唔痛
otherwise 可以痛兩三個鐘
腸易激？
你要睇下醫生喎 中醫調理下 ?
因為我自己應該都係同你老公一樣, 肚痛都冇咩野
如果痛到咁勁都係睇睇醫生安全d
1個讚
樓主你幾時開始咁痛的？ 其他排便習慣次數，質地之類有冇改變？
大部份人都唔會痛到咁個喎
建議你先睇西醫搵左咩問題先
如果唔係西醫搞到既問題，先再考慮中醫調理
哦，乜肚痛都有分濕熱。下次睇中醫問吓。
咁你係咪都係肚痛個時好辛苦?
我只知我緊張情形下會肚痛個啲係?
只要過咗就正常，唔似食錯嘢個啲要有嘢出先唔痛。
如果好明顯痛到震手腳冰冷係呢一兩年。排便次數算正常最多兩日先去一次，質地又無特別異常。
個種痛好似有把刀係個胃了緊。
有呀。
算呀，你個人好易緊張？
只係兩個情形下會肚痛，見工同見某類醫生（類似要檢查呢樣個樣個啲醫生)
其他緊張都唔會肚痛。
痛到咁要先睇西醫呀，考慮其他狀況之前要先rule out 係咪結構問題喎，知道咩事都安心d 呀
Private 你可直接搵腸胃科醫生, 公立的話要做咩檢查都應該有排等
係，發作嗰陣，啲痛係一陣一陣咁嘅，痛得好勁要攬住個肚，喺床度攣吓攣吓，唔一定去到廁所，去到都唔一定即刻唔痛，總之次次都要起碼半日至一日
我細細個就有呢啲情況，大個咗知道呢啲叫濕熱肚痛，就會注意下去濕，同埋可以買定保濟丸，都有效嘅
一模一樣，不過我最終一定要去廁所個隻。
弊在痛足幾個鐘都去唔到呢 
你留意吓丫，痛之前係咪食咗濕熱野，同埋本身體質都係容易濕重
我自己就夏天高危啲，芒果呀啤酒呀呢啲，自己食完就注意囉
你試睇吓中醫先，你似濕熱喎。
我嗰時係痛到成身汗係地下碌咁濟，冇得痾的。