我女女兩個幾月大，成日都要人抱，一抱就瞓得好冧，一放上床就喊 
究竟我應該俾多啲安全感佢照抱定係由得佢喊呢？如果照抱我又無時間做自己嘢，但又唔忍心由佢喊，唉，好矛盾
我會照抱，我仔係要抱住先肯瞓嗰類，無論瞓得幾冧一落床就醒，結果抱住瞓差唔多一歲
到大少少唔洗抱就要陪住喺隔離一齊瞓（佢跟我瞓大床），再揀一次我都會咁揀，辛苦媽媽了
9個讚
2個月大都係要抱架喇
用包被包實佢放低床可能會大啲機會放低佢
3個讚
你係咪ftm 啊？你成日抱住咪無時間做自己嘢囉？又會抱到腰酸骨痛😮💨 你好偉大呀
我仲有唔夠一個月就放完產假，我老公同媽咪幫手湊，都唔知叫佢地用邊個方法好 😮💨
係啊，我都會照抱，不過啲人成日話會抱慣，之後會好辛苦。😮💨 我怕我開咗個唔好嘅頭咋 😮💨 但又想俾多啲安全感女女，所以好矛盾呀
唔怕抱壞自己身體，就抱住BＢ訓。
但最好試曬所有方法，因為兩個月都仲好細，包被／側瞓／米袋壓住肚仔／音樂公仔 / 白嘈音…咩都試曬唔得先人肉抱瞓。
1個讚
一定抱
如果成日喊但冇人抱BB會好焦慮,會影響佢大腦發展架
你可以睇吓相關研究
2個讚
我係ftm, 嗰時我媽媽星期一至五都係嚟，仔要nap嘅就我媽咪抱住佢瞓（坐sofa), 我媽咪好enjoy我就可以做下家務或者快出去買餸，仔而家都7歲了，都好錫婆婆
兩個幾月要抱好正常呀
大D你想攬下都唔肯呀
照抱，但可以試下慢慢放落床，例如抱住慢慢離開媽媽心口，放喺大脾定一陣，ok先再轉過去床度
你有無埋身餵奶？我b細個時都好痴身，宜家15m，都要痴住我奶睡，又會成日要我攬住
抱，佢真係瞓冧左係放到既，你放落去就喊即係佢未冧，我自己抱都試過3放3抱，第4次先成功，係辛苦，但見到佢瞓得好又值得
抱，呢個時期建立安全感同信任對成長發展好重要，依家抱多啲反而大個冇咁依賴退縮，有助成年後人際關係
抱呀, 到再大少少就唔洗抱住先訓嫁啦~ 你可以抱到佢訓就坐係sofa休息下~ 再過5分鐘就放佢入睡袋~ 我仔3個月前都係要抱住訓/入睡袋先訓到, 3個月之後放佢係大人床就肯自己訓
我都係抱呀！
樓上話齋，佢啱啱嚟到呢個世界，都想比多啲安全感比佢。
You are not alone! 同埋呢個階段會過去ga 
梗係抱！2個月，又唔係2歲。
你係佢嘅全世界
1個讚