第一胎,而家第8W ,由上個星期開始…每日都覺得有野壓住壓住個心口…
想嘔又嘔唔出…又無曬胃口…好似乜野都唔想食咁…
而家日日放工行成個鐘…一樣送都買唔到… 乜野都唔想食…
有時買左返屋企煮完…食兩膽又覺得飽…但係9點幾又覺得餓…
老公話我好難湊…成日乜都唔食…攪到佢都乜都無得食…
好彩有食醫生開既藥酸, 最近加左個DHA…BB 應該OK
我希望呢個初期既情況快D過… 我自己都覺得自己好煩…
2個讚
我頭3個月都係一日嘔幾次，嘔到喉龍都痛。成段懷孕期我覺得first trimester 係最難頂，捱過左之後好好多。
我老婆就嘔到最後三個月才停，試下儘量飲ginger 水和雞湯，不要只喝白開水
我知咁樣係正常…不過平時我係好為食既…而家乜野都唔想食… 好似無左意義咁… 我怕到時過左…反彈日日都暴食
嘔到七個月?? 咁恐怖… 我想問…姜水係咪就咁姜沖水就得?? 定係要好似姜茶咁煲下佢?
我個時都係咁, 頭4個月一聞到餸味就反胃, 覺得老麥同公仔麵係人間美食 
同埋公司放定梳打餅, 餓就食少少
頭幾個月體重不停下降, 醫生話如果之後再係咁就要check下有冇其他原因, 好彩第5個月開始胃口好返, 又不致於暴食, 臨生之前去健康院檢查時, 姑娘仲話我有左之後到就生都只係重左少少, 仲有好多quota, 叫我盡情食
1個讚
用紫蘇葉煲,有止嘔作用
我嗰時飲咗都好少少
我都成日想食公仔麵…但係因為唔健康…所以都無食…
而家有KEEP 住間中就磅下… 每日上落都好細…不過由發現到而家係真係輕左少少… 我老公仲話係咪個B 唔識大…
佢而家都唔會理我食咩健唔健康…佢話我有食總好過無食野
我唔敢食咁多麥當當KFC 果D呀…
多謝你, 我搵下邊到有得買.
我係嘔到生嘅
日日係咁真係好辛苦架，唯有盡量做啲開心事，食啲開心野，心情好係好緊要！
頭3個月bb自帶營養, 所以間中食下唔緊要, 真係好過乜都食唔落, 只要唔係食得太過份就ok, 我覺得總好過自己體重跌得太多
加油呀, 好快就捱過呢段時間
我希望唔會路到生啦… 咁樣好難攪…
明白了, 多謝你
我8w 係所有淡味嘢食一淡已經想嘔，最後我要每餐都食濃味嘢，酸辣，辛辣麵乜都食，咪係真係可以一淡都食唔到。
宜家14w 已經好返好多，bb 生長都好正常 
有食嘢好過無食呀
我會盡量食D… 謝謝你
我一路到14w先無事，除左嘔仲要暈，日日坐海盜船咁
試過見到碟送有蒜頭，無聞到無食到，淨係腦海諗起蒜頭已經衝左入廁所嘔
當時我去超市買左隻白色底，有個辛字，非油炸嘅辛辣麵，落1/8包味粉渡日，kfc m記照食少少，只要唔係藥同埋未熟嘅野，基本上都照食
我好多野都唔敢食… 係怕一陣食錯左有D咩不良反應…
而定係想食果D又覺得唔健康… 健康果D…又唔係好想食…
唯一覺得OK 既…就係生果… 但係又怕生冷唔敢食咁多
我個陣都係咁，只係諗起d食物就想嘔，食唔到嘢日日瞓床，未夠12w前只係產檢先出街，每次搭車都勁辛苦……但每次去到醫生樓下見到金拱門，就突然好想食豬柳蛋包，亦係唯一食得曬嘅食物
不過頭3個月媽媽食咩，其實都唔會影響到bb嘅，所以有啲咩你想食，只要食得落，就食d啦⋯⋯唔好怕唔健康而唔食喔
哎呀 而家坐親小巴 就暈車浪 一落車 乜胃口都無曬 但係我每日返工放工都小巴 唔係好想轉黨鐵
多數薑片加水滾五分鐘左右