分別起上年同今年中過，但係一次8週左右無左，今年又中左葡萄胎…其實已經過左一段日子，本來都平靜左，但最近分別有親友報喜，又去探過親友既新生兒（想唔去又無得推），見到人地個b咁健康，雖然鄧人開心，但又諗返自己經歷，忍唔住悲從中來，點解我咁唔好彩架…
同老公傾訴，佢又唔係好理我，點先可以令自己睇開d呀
2個讚
抱抱你
你都好叻，會去到探bb 呢啲活動，我一諗起會比人問自己family planning 就灰到死。
搵人傾好緊要，傾完先放低到。想問下你先生當初個反應係點？想知佢其實係咪都係傷心但唔想表達出嚟同唔想諗起
為自己，為bb，好好養好身體呀
1個讚
其實好多人都有類似經歷，唔出聲啫。
其實我都盡量選擇唔出聲，岩岩果次連雙方家人都無講，所以最後知道失敗後，慶幸既係唔係家人擔心，但難過既係有苦自己知
其實我都唔係太想去探，不過又推唔到，老公應該係內心會難過，但唔講，有時想同佢傾返，佢剩係叫我唔好再諗，睇開d
想再傾落去又怕佢會嫌我煩
係。我太太衰過三次，淨係第一次有同屋企人講。屋企人太多關心其實都係一種壓力。
2個讚
係呀…比佢地知左，可能反而自己要安慰返佢地，最難受係見到人地報喜，就覺得自己好無用，保護唔到個b亦好驚下次就算再中，唔知會唔會又失敗收場
好明白。其實唔關你事，唔洗自責。
有個同事都係衰左兩次，之後成功左….
有陣時真係得來不易
仲有好多人係咁
我都比個擁抱你 
完全明白你，慢慢黎啦，係好難過，但心情都影響身體㗎，搵人傾下會舒服啲！
養好身體話唔定佢好快帶齊嘢黎搵你㗎！加油！
擁抱，同路人
過咗幾耐，諗起都係會好難過
你已經好叻，仲有勇氣去面對朋友啲bb
我係避曬，試過連朋友都唔想見
喺街見到孕婦/bb仔都會諗起自己走咗嘅小天使
多謝你地/同路人既鼓勵，我都希望個天都可以比個機會我，真係好想要一個b, 無奈岩岩果次係葡萄胎，要等多幾個月夠一年，無事先可以再試我其實都近近地高齡，所以總會多幾分擔心，我都祝福呢度既同路人之後再bingo時順順利利呀
抱抱你，同路人。很明白你嘅心情。
我第二次都係唔敢同屋企人講，隔咗一排才敢講，仲要好輕描淡寫咁講等佢哋唔好擔心，其實自己傷心到不得了。事隔4、5年一唸起都會流眼淚。
但我知道好多媽媽都經歷過，後來睇過一個節目，有些經歷好多好多次，也有上網看有相同經歷媽媽的blog，有一個台灣媽媽話佢覺得將來係天堂會有3個長大了嘅孩子迎接佢，佢哋只係係另一個地方成長，我睇完覺得有點安慰。
我老公都無乜嘢講，不過我知佢都傷心。我估你老公都覺得傷心，但想你唔唸就會無事，或者可以俾佢知你好需要傾訴來抒發情緒。
我果時兩次都有坐小月。你要先好好養好身體，希望你如願以償。
對於樓主既情況好明白個種感覺
我同先生備孕了多年，好不容易做ivf著床了
到7w時停了心跳，那種得到又很快失去既感覺唔識點形容，然後到流產那種辛苦痛楚只有自己知。
以為可以慢慢調整好自己再黎時，不停會有親戚朋友生b懷孕消息，返到公司又會見到好幾個懷孕的同事。有時摸摸自己舊肥腩，不知幾渴望入面住著呀b。
雖然以上種種，時間一日一日甘過時，慢慢接受左消化曬時，就時自己可再出發時，大家要加油，上天自有安排
係呀，真係經歷過，先會體會到果種感覺，針拮唔到肉唔知痛，我地大家都要加油呀我都唔想放棄住，希望我地大家下次都可以苦盡甘來
2個讚
特別是之前睇完朋友個b後，之後幾日起屋企一諗起就喊，我果下都懷疑自己係咪有病感恩呢度有你地可以傾訴下