自從生完第二個，壓力好大，開始食煙，食咗幾年，而家想戒（食得耐開始身體冇以前咁好）但發現一有野煩嘅時候就好自然咁去廁所食煙，唔食好似去唔到廁所咁
請大家分享下戒煙心得啦
1個讚
我就先定目標、可以係時間或者目的（例2022 年6 月要戒清/ 為子女戒煙）
我自己就會先轉超淡（最後我食希臘牌子0.1、老公轉IQOS)… 每日限支數，所以要自己計住唔可以食密、之後每月檢討&減數，而且響定下日子前只可以食最後1 支）另外要有penalty ，最好係d 肉赤但唔傷害嘅身外物（送走1個 Hermes 
) 、搵寄托代替，我自己係bath
2個讚
我當時就同自己講，為咗個小朋友嘅健康我一日同佢住都暫時唔會食，等到佢大個自己搬咗出去住之後我先再食返。
2個讚
嘩，Hermes
個支煙都好貴重喎
食煙係最令我relax既時間，唔知搵咩可以取替到
2個讚
真係想食嗰陣我會行去平時食煙嘅位置，用吸煙嘅方法呼吸，做返食煙嗰陣做嘅嘢（當然梗係除咗摣住支煙嚟吸啦），例如放空個思想、諗吓嘢、同人吹水，過咗一支煙嘅時間就當自己食完咗支煙。我覺得心理上係可以解到煙癮嘅，除非你真係好大尼古丁癮…
3個讚
你依懶性太強，好難成功，首先你要話比自己知「乜乜乜」其實都好relax
你未食煙前，冇relaxing time?
我好細個就開始食煙，食咗十零年
由細到大有鼻敏感，越食煙好似越嚴重
早幾年仲有慢性鼻竇炎，每次病發都會鼻痛頭痛，都幾辛苦
突然有一日，我問自己咁辛苦食煙做乜，食完身體仲差咗，果日係我第一次決定戒煙，亦都係最後一次食煙
自從果日之後，真係一枝煙都無再食過
以前keep住每日半包，如果飲酒唱k打牌，仲會食多啲
我身體啲同事朋友屋企人老公都有食煙，所以誘惑都幾大，但係我話以後唔想再食，就真係無再食
初初食完飯果枝煙係最想食，聞到人哋食會覺得好香，吸啖二手煙頂下癮都好，戒煙頭兩三年都仲有咁嘅感覺
再過多幾年，就開始覺得啲煙好嗅，唔明點解以前會將啲煙吸入口
到而家戒咗煙應該有7-8年，已經完全對食煙反感
我唯一分享到嘅心德，係意志力，控制住自己唔去做果件事係好難，但當發現原來自己係做到嘅時候，我發現自己向其他事情上，一樣都可以靠意志力做到
當時戒煙之後，真係肥咗好多，後來有一日覺得自己肥到豬咁，又的起心肝減肥，最後減咗40磅，都係靠意志力去忍口同做運動
5個讚
後生嗰陣食過10年煙，大概係7年成煙，3年手捲煙
有食過手捲煙嘅話你會知佢濃過成煙好多，可想而知我嗰陣煙癮幾大
之後開始接觸vape，呢段過渡期我係兩種輪住食，得閒食吓手捲煙得閒vape吓咁
因為食得多手捲煙都會悶，覺得vape陣味順滑好多、乾淨好多、啲味又出好多，薄荷味又上腦啲，最重要係想扯幾多啖就扯幾多啖，唔洗好似手捲煙咁要焗住食曬成枝佢
點知有次發燒發得好勁，病咗成個禮拜之後突然間完全唔想食手捲煙，覺得好噁心，就唔知點解戒咗了，跟住就轉咗vape到而家
而家聞返陣成煙味覺得勁臭，唔知點解自己當初頂得順，係臭到而家喺條街度見到有人食煙我會兜圈避佢，完全返唔到轉頭
我2016年開始轉vape，計落都食咗5年近6年了
由rda玩到pod其實燒落啲錢唔會比食成煙少，不過爽啲好食啲，方便啲，又唔會搞到啲衫同頭髮成陣味，重點係食咗vape之後追車同上落樓梯都唔會扯曬蝦，又咳少咗
不過我又冇辦法建議你轉vape，因為香港下年開始實施禁買賣vaping products，我都諗緊食埋呢幾個月就戒埋vape佢
就算冇得vape，我都唔會考慮食返成煙，因為真係好臭
我覺得上癮方面你要識分毒性同習慣性
毒性係指你一段時間唔食煙就會手震腳震集中唔到精神；
習慣性係指你慣咗長期手指要夾住啲嘢，個口要吸啲嘢咁；
我就係後者佔重比較多，所以9mg > 6mg > 3mg呢個過程冇乜阻力
前者我畀唔到咩有用嘅建議你，因為佢就係最難搞嗰part。之不過人人嘅毒性反應都唔同，我男朋友以前都有食煙但係佢完全冇上癮，例如話佢可以同frd出街嗰陣先R幾枝嚟扯，其他時間佢唔會話心思思想自己買嚟食，完全冇事冇幹
去公立診所見戒煙小組見醫生, 拎戒煙貼同戒煙糖, keep住見醫生
咁看，戎煙原來都唔容易
煙齡12年，有次係一個念頭想介完全無食
之後順便戒左，介的話就要有決心直情一口都唔好掂。
仲有介左後，其實情願將食煙既錢花在其他地方，而家覺得啲錢用黎買煙好唔值。
1個讚
睇你決心啦, 我老公食咗30年, 因為見住身邊人一個一個身體變差, 去公立診所見戒煙小組見醫生, 拎戒煙貼同戒煙糖, keep住見醫生, 一下過戒咗。
因為你老公真心覺得食煙唔好，所以先介倒
食煙會成習慣，我老公都食左十幾年，近幾年轉左vape. 遂漸減少尼古丁劑量，同埋慣左手勢，一刀切好難。
今時今日有邊個唔知食煙有害? 知有害但無決心, 咩都戒唔到啦