如果唔係老作，咁我諗到既原因，係個女星本身鍾意阿叔，佢目標對像都講明係50歲60歲，可能佢缺乏父愛啦。
咁Jeffery 有阿叔既外表，所以就食。
但佢無阿叔既心，所以唔拍拖。
https://m.facebook.com/story.php?story_fbid=156641950033204&id=104318651932201&ref=page_internal
【193《戀講嘢》男嘉賓爆被友台女藝人兩度𡁻完即棄 】
#193、#郭奕芯、 #浩南 ( #鄭伊琪 )、 #Helen ( #譚凱倫 )擔任主持嘅《 #晚吹-戀講嘢 》，剛播出(21日)一集，男嘉賓Jeffery分享追星情人夢。曾當特約演員嘅Jeffery爆曾跟一名30歲友台女藝員A小姐一段食完即棄嘅「姊弟情」。
Jeffery稱與女藝員A小姐因拍劇認識，之後一直保持聯絡，A小姐常向Jeffery分享工作經歷，包括友台經理人與導演假公濟私，以討論劇本為由，然後食住上，Jeffery︰「佢話有時要避，有時不知所措，如果個位定唔好，走唔甩，就好易發生悲劇。」此話一出，193及三位女主持都嘩然，193補充︰「唔同台唔同做法。」
A小姐分享友台男女關係隨便，不過佢自己都唔弱。Jeffery話有次拍劇冷病，有車嘅A小姐即主動提出載Jeffery返家休息，但原來係車佢返A小姐自己屋企。浩南追問︰「咁邊個按耐不住採取主動先？」Jeffery續說︰「當時唔舒服，想換件褸……」咁嘅藉口，三位主持實在忍唔住取笑，193亦謂︰「畀個下台階佢啦，唔通佢話自己咸濕咩！」
同A小姐發生關係後， Jeffery翌日滿懷希望咁致電向A小姐確認情侶關係，點知A小姐以Jeffery不成熟為由拒絕，仲話自己比較鍾意五、六十歲嘅男人。
雖被「𡁻完鬆」，但Jeffery對A小姐念念不忘，有次二人工作重遇，A小姐食髓知味，二人再次發生關係，Jeffery以為翻啅儲夠「積分」可當A小姐男友，於是翌日又向佢表明心跡，仲講明視佢為結婚對象，只求肉體歡愉嘅A小姐梗係落閘啦，仲狠狠同Jeffery切割斷交。呢個時候，Jeffery先醒覺，自己原來只係A小姐嘅散餐，追星情人夢碎。
替Jeffery分析女藝員A小姐嘅三位女主持，最精闢莫過於浩南呢兩句︰「佢覺得你思想上未達標，但能力上唔差。」
按昨晚呢集主題「追星情人夢」，三位女主持都曾經幻想同偶像發展，郭奕芯原來好愛 #洪卓立，視佢為白馬王子，好想同佢拍拖。193即問︰「咁你而家識咗佢，有冇發展？」有得近水樓台，但郭奕芯竟然答︰「而家係同事、朋友啫。」你信唔信！
至於浩南，佢當年好想同偶像 #周柏豪 或 #古天樂 喺埋一齊︰「我會留意佢鍾意咩類型嘅女仔。」而Helen直頭想嫁畀呢個藝人︰「我想嫁畀 #馬浚偉。」口味嘅嘢，真係估佢唔#娛壹
即刻跟住Follow 曬我哋Channel：
FB：http://fb.me/as1hk.entertainment
IG：https://www.instagram.com/as1.entertainment/
YT：https://www.youtube.com/channel/UCgaIJfwFLXQsasrffZt4cEw
#娛壹
