如題，一直都好驚去睇醫生…
睇婦科
照陰超, 睇下有冇異常。
一定要去睇醫生啦
搵婦科醫生睇最好，痛有好多原因，網友最多只可以分享經驗
一定要睇醫生，經血過多、m痛都可以好多原因，要做咗檢查（應該會照、做抹片、抽血）搵到原因先知可以點醫及對症下藥。
…驚都要去睇架…
唔好傻…
乜異常都要即刻睇醫生
睇醫生穩陣呀
始終大家只可以分享經驗，唔能夠作出診斷，就算驚或者尷尬都要去睇喔，病向淺中醫嘛
睇咗婦科先
我朋友有類似情況，m太多，痛得好緊要
後來發現唔係婦科病，係個腦有唔知咩問題，影響到有咁嘅情況，詳情我都唔係好清楚，但話係無得醫
佢嚴重到一m come就要請病假，只可以瞓床，盡量令到出血唔好太多，好彩佢做政府工，成日攞病假都唔會比人炒
我分享我嘅經歷比你聽啦。之前我又係 m 血多，一個月可能有21嚟 m (除咗頭一個禮拜血量多外，其餘日子就好似經期第五日嘅量咁) 有血塊同 m 痛。最後係子宮肌瘤。所以你一定要去睇醫生。
朋友有好嚴重M痛，經血多到貧血，原來佢有子宮線肌瘤（唔係子宮肌瘤），哩個線肌瘤係好難攪，好多醫生唔敢接手術，佢地會建議切咗個子宮佢。
樓主快啲去睇醫生啦，唔好驚
要睇呀，你出得post都因為自己覺得異常先問，咁諗，本身女人都要定時做婦科檢查，咪當久唔久去check下。其實個檢查好普通，大吉利是如果係肌瘤之類，早發現有機會淨食藥唔使手術，拖到大一大就有d煩，雖然都係小手術。
乖，唔好拖，去睇婦科醫生。
身體係自己㗎
JM覺得自己有唔妥，快D睇醫生，就算touchwood有乜事都要由醫生診斷
俾你講咗我想講嘅嘢
真係呀…有可能有朱古力瘤，唔好驚睇醫生呀，醫生先最幫到你
如果check完醫生話無乜事，可以食避孕藥調經，如果真係有朱古力瘤都可以食口服黃體素，因為唔理既話個瘤會愈嚟愈大，食藥可以減輕個情況，但最好你問醫生專業意見
除左瘤，瘜肉都會量多，有血塊，m痛，甚至肛門位痛，快啲去睇婦科醫生搵出原因
明白，感謝大家解答，會盡快睇醫生
1個讚