Blue Monday…… 冇心機做嘢
入嚟吹水講吓你哋遇過嘅公司開會文化？
我以前做過某間公司，產品A係老公打骰，產品B係老婆做老闆。佢哋D會一向都開勁耐（個半兩個鐘走唔甩）。有一日要開產品B嘅會（得嚟老公都會開埋一份），明明老婆已經決定好唒某D嘢想開會過㗎喇，點知老公激烈地ban喎，佢哋2個喺枱面爭討咗好耐，我就喺隔離食唒花生
到而家哩度，每個月開一次例會，老闆自己一個可以講足成個開咁滯，輕則個半鐘（如果佢趕時間），試過開咗2個半近3粒鐘，係咪正
我老細好寂寞，得閒就捉住啲同事講鴻圖大計，同事心諗唔關我事，都唔知你講嚟做乜？Old seafood就不停「係嘅 係嘅」，後生少少/新嚟嘅，就擔天望地、莫名其妙
3個讚
咦，我之前果件都好鍾意食玩哩味
尤其係林食晏之前，或者5:30先嚟搵你講一粒鐘嘢
最怕開會。
以前做過間大公司，上司一搵親我D 薯仔開會，就一定係有鑊。佢自己搞唔掂，要搵人孭。
1個讚
開會嘥時間到無極
純粹係老細or 高層自己打飛機
3個讚
開會等如曬時間，老人家old seafood孤芳自賞話當年，其他人各自loop手機，呢啲係「開會」喎
1個讚
最慘係下晝開會，無聊兼飯氣攻心，想死。
仲有果陣為咗就美國總公司，野野夜晚8/9點先 conference meeting。
1個讚
我朝朝都要玩例會，個個星期都有一日例會，一個月一次報告大會（實質俾老闆發up風）
有冇同路人
最怕開會，老頂問大家意見，答唔中老頂心諗果套就畀佢鬧
假民主，寧願佢直接講佢想要點好過la
我舊上司，6X歲寂寞老頭
已經朝朝briefing，佢面聖完後又會捉住啲主管再開會，上午開完1粒鐘，下午覺得講唔夠又再捉人開過，重複返上午的野
一個唔好彩爆左少少鑊，就講足2粒鐘，瘋狂diu啲主管唔做野（大佬，你一日捉住佢地咁開會咁鬧，邊有時間做野）
最鍾意月會就狂講2粒鐘，當係自己talk show，又成日吹噓自己咸豐年前的（自認為）威水史
佢講野成班就要企喺度聽，有時換唔切平底鞋，就要著住對高跟鞋聽足2粒鐘
憎到佢死
1個讚
依家呢間好少開會，三個月先開一兩次。每次都係老細自由發揮，台下自得其樂。工種問題，一定係下湊先開到會，可以講 2 個幾鐘。啲 old seafood 唔憂炒嗰啲就篤下手機傾下計，有啲就訓覺，老細照講。 
秘書小姐好鍾意用「傾心事」既方法同人開會，一講就一小時，想找人排解煩惱。講講下a，又跳左去b，再跳c，又會loop返上次傾過既d。佢既時間就係咁樣用曬，結果成日做唔曬野要OT，連我既時間都霸埋。
所以我會叫佢先定好agenda，跟著agenda講指定題目，唔好離題，控制佢時間。
有次遇到和我同類既同事，我地兩個用15分鐘就傾曬3個topic，旁邊既秘書小姐岩岩坐定就完會，嚇到佢地話「黐線好快呀… 」
1個讚
好多哩D人㗎，答唔中就繼續開會直至答中為止
你係工作果行興朝朝briefing定咁啱果間公司
我係行業 
我諗起之前老闆個老闆，佢定咗某時某日要開會咁啦，但可以隨時唔開，跟住又會突然call佢啲𡃁嚟開，我唔係次次都要入去，都勉強避得過
我呢度勁多會要開，多數長命會，一個鐘叫短，好多要半日
呢D時候就好掛住某部門嘅男經理負責chair嘅會
佢會喺適當時候拉返out topic到大西洋嘅膠層同事返黎，叫大家回返魂得黎又做得好得體
1個讚
工作嗰行係咁
Briefing完上司就要去同高層面聖
我都聽過類似，有啲叫standup meeting 添，好似懶有士氣
我以前有個舊女上司，仔大女大，老公忙又冇時間陪佢，就同我哋開會攝時間，cls，試過幾次開會由下奏開到夜晚10點幾
。有一次又OT開會，個陣成條team都係女同事，舊上司又係滋滋油油開會，在坐所有人冇反應，我突然間發現除咗我結咗婚，老公等我開飯，其他人都係單身未拍拖（唔好打我），終於明白點解個個都唔反抗陪佢開會。
之後佢半退休，唔放心我哋搵左個advisor mon住我哋，我就開始大膽開始cut 會，個死人advisor 向我舊上司投訴我，好彩我另一個上司照我，仲搵籍口調我幫佢，我終於脫苦海。
我而家lead住一細team 一定一個鐘內完會。大家留時間專心做嘢好過。
我之前個老闆，扮吓一齊討論，
咁咪討論囉，但實質只係想人哋聽佢吹水，最好表示讚美