Bb而家就嚟3個月大 全人奶緊 我目標都係餵到佢自動離乳，但呢排奶奶成日叫我得閒比佢用樽食奶粉
話驚佢介左人奶之後唔食奶粉冇營養冇營養，佢大孫係奶粉b，食到而家3歲都仲食緊。
問題就嚟喇
我唔知bb會食到幾大，如果佢食到一兩歲，我諗應該都唔需要再食奶粉？只要佢飲食均衡夠營養就ok
但好似有啲bb未夠一歲就會自然離乳，咁到時需要比奶粉佢食嗎？
我睇法係如果只係因為驚佢第時唔食奶粉，所以而家要比奶粉佢食係好本末倒置嘅。我都唔傾向咁做，但同時又擔心如果佢真係好早離乳又唔肯食奶粉嘅話真係會唔夠營養嗎？
請問大家嘅bb自然離乳後嘅飲食大約係點架
有冇家長嘅bb 1歲前就唔食奶可以分享下你嘅做法啊
唔該曬
奶粉/奶過左一歲就變返副食。如果BB食正餐有足夠營養，唔飲奶都係OK嘅。反而係BB自己中唔中意飲。有見過人奶B係媽媽收奶之後唔中意飲牛奶/奶粉，要慢慢細細杯咁轉先飲到。
如果當飲品咁飲，三歲都仲飲奶粉又冇乜問題嘅。不過聽過三歲睡前仲要啪一枝奶先訓就唔係咁好啦。
BB而家先3個月，唔洗咁早諗呢啲嘅。同長老講會諗下，hea走佢
所以我都比較擔心如果佢未夠一歲就唔埋身，又食唔慣奶樽咁點算，不過我又真係太早諗嘅
最慘係奶奶過一排就問一次
我都唔知佢係唔記得自己問過定因為佢想問到我要跟佢嗰套
由未滿月佢已經係咁話要比下bb食奶粉，我已經同佢講過我想餵到Bb自己唔食，到時同佢安排啲食物夠營養就ok，佢都仲係講到而家搞我都都擔心埋一份
我2個仔1歲就介左奶粉，亦無刻意補奶
而家仲高過我
呀b而家先3個月大。。。慢慢黎啦。加固後到3餐跟大人食之後，健康院d nurse 都會叫你唔洗刻意比奶粉佢
開始食糊仔就可以學用飲筒水樽，食奶唔一定要用奶樽架嘛
唔洗擔心咁多住啦。
你奶奶咁keep住講你當佢係關心阿B算啦
我自己長老都係咁，同一樣野講好多次佢哋都唔會理，各有各做咁
唔使理佢，奶奶不停問，因為你無答佢想聽嘅答案，佢根本就想你餵奶粉，唔好餵人奶。
你如果夠人奶，又可以埋身，就唔使補粉。你真係頂奶奶唔順，又想奶奶收聲，就泵一餐半餐人奶出嚟，比奶奶用奶樽餵，話阿B識用奶樽=將來食到奶粉。
我大女係自然離乳，食到3.5 歲，之後冇食奶粉、亦冇需要。
會飲牛奶、豆漿、鈣思寶…
佢從來唔用奶樽，一開始用學習杯飲水、大少少用飲管、之後1 歲就用open cups，我細仔5 個月都已經識用學習杯，所以冇必要擔心太多，唔飲奶，都要學飲水
如果1 歲，其實自己睇佢生長線再決定，每日1 杯當早餐、下午茶，我認為冇問題，但唔一定係奶粉
有少少補充，我細仔係3m 開始唔肯埋身，而我就懶pump，所以佢當然要食奶粉，至於奶樽都用過幾款先試到啱、加固後至1 歲期間，其實奶仲係好重要，你到時問自己兒科醫生就ok。
係喎到大啲都唔一定用奶樽都食到奶
我都係咁諗呀 不過佢三日唔埋兩日問一次衰啲講真係有啲煩
希望佢問到厭唔再問啦