我宜家應該係5週 冇去過做產前檢查 今日去廁所發現流啡 點算好
應該去邊到睇醫生會最好 但宜家咁夜 等聽日去睇會唔會有咩影響本人第一次懷孕 咩都唔識求指教
醫生有提過bb現階段會擴建宮殿，少少流啡係正常，最緊要休息夠，瞓下床挨吓，如果都無好轉就去急症或者婦產科醫生，但其實5週連心跳都未有，無乜野做到
3個讚
多謝你意見
冇錯呀，最重要係多臥床休息，同埋放鬆心情。
如果太緊張嘅話都會影響個胎㗎。
我嗰陣5w流粉紅，又係好驚，問返家庭醫生佢都係話我盡量放鬆，等7w照肚超。中間等待嘅時間真係好漫長，但我同自己講一定要撐住要樂觀對BB有信心，同埋迫自己係咁瞓床。
我嗰陣每個禮拜流一兩次啡，去到13週就無喇。
呢段期間我一路都有睇中醫安胎。我覺得懷孕初期中醫嘅安胎藥有用過西醫。
2個讚
好呀 感謝你嘅意見
我同你個陣情況差不多
個陣大約5w去睇過一次婦科照超聲波確定有胎囊，照完返屋企第二日開始流血，流咗3張護墊嘅份量，個陣好不安，朋友叫我入急症
但其實入到急症都冇嘢可以做，因為醫生話未照到有閃閃，唔知情況，只可以開幾日假俾我休息，一直休息到差不多10w
過幾日去返私家睇，都冇嘢可以做，醫生一直寫紙俾我放假休息，個陣時間我都係睇中醫食藥
直到7w照到閃閃，個人定少少，但都間中有流啡，所以都係keep住個個星期睇中醫，直至大約12w，就冇睇中醫睇得咗密
所以樓主而家要多休息，瞓唔著都要攤抖多啲，同埋要對自己同呀b有信心喔
祝 孕期順利
1個讚
5週係早左少少，你可以去睇私家產科，不過可能冇咁快book到。
我果陣6週流啡就去左急症，因為身邊有朋友宮外孕到要切輸卵管
所以失自己驚。係急症係照唔到嘅，到星期一返去產科覆診就照到同埋確認左著床位置冇問題先放心，之後仲流左成個月有多
如果你好擔心嘅去睇睇急症，孕婦唔洗等太耐嘅
1個讚
唔好擔心，約婦科醫生，今日去睇
不過無咩可以做。。。
relax d
我當年第1胎流啡，流到3個月胎先stable
1個讚
最緊要檢查係宮內孕就冇咁驚，其他流啡醫生都幫唔到d乜。我都係孕早期流啡流左3個月，中間有好幾日直情流血流到好似m到咁，個陣都已打定輸數覺得個b拜拜左。但又好神奇地佢有一直痴實，所以我覺得流啡並代表唔到d乜，可以放寬心。
我5w果陣都係咁呀！ 有入左醫院但其實都係冇野可以做，仲要喺醫院瞓得極差🥲
然後一邊睇中醫直到12週
一邊每3-4星期睇產科照下，佢發現我子宮有瘀血所以流啡，有開黃體酮俾我食左兩星期
Touchwood 跟住好左好多，依家總算平安去左第二孕期
祝大家都一樣平平安安！
1個讚
我由第7week流到17week,
一行得多拎重野就會流小小，開頭有放左一星期假及打安胎針
最重要休息多d
我當時5week都係，留喺屋企好悶，去商場超市行個圈，買少少野，來回30分鐘，跟住就流啡
但攤屍一晚之後就無事