你太隱晦啦。。。雖然我睇你d comment睇得好開心
2個讚
你話係咪係囉
佢未去到癲咗咁樣
我唔知呀，係問句黎架。有可能佢私底下同哂所有人講架空你喎。
我知你對公司鞠躬盡瘁，但都唔係耳聽八方架嘛。
2個讚
係因為佢話老細叫我哋減嘢食嘅時候，我哋全部覺得好錯愕，重頭講一次餐單都話冇可能要減架… 唔係好多咋嘛
我當刻已經懷疑佢俾咗自己揀嘅嘢食俾老細睇，所以老細同我一樣覺得好多
Admin口窒窒話老細指明要減壽司，有人話不如直接唔要舊骨
佢話：「好呀，咁就咁決定，我whatsapp老闆講你哋唔夠食堅持唔減！」
跟住就變到咁
兩個鐘頭後，我多口問佢：「其實係咪唔駛叫個焗薯都夠呢？」跟住佢先話自己加咗咁多嘢，仲勁惡死答：「我同老細講咗熟食會有人打包架喇！」
再問佢，佢話：「食唔曬咪打包返去做晚餐囉！」
我都鄧你唔抵呀，你嗰啲回覆好精景～
3個讚
但樓主用心回我，下下打千字文，一個回覆改6次黎回覆我就算啦。心感安慰
13個讚
老細講明想減壽司=其實老細係想食個餐多過壽司
咁都唔明
2個讚
我當時同你諗法一致，即刻問admin，admin咁答：「Er…er… Er…應該唔係」
我：「咁佢係咪唔食壽司啫」全部同事都望住佢
佢：「佢食嘅！」我心諗：做咗一個月，我哋冇一齊食過飯，佢又知…
我：「咁60件減到40件都係講緊二百蚊嘅事，其他嘢唔減係指明減壽司呀？」我覺得佢非常可疑
佢冇出聲
我：「咁佢係老細，錢係佢俾，咪叫40件囉」同事低曬頭冇曬心機，佢完全唔察覺
兩分鐘後，我：「咦，唔係喎… 40件個餐係冇拖羅架喎！」因為大部分人係為咗試嗰間壽司店嘅拖羅先指明叫嗰間壽司店
我：「咁唔得呀，40件同60件每人都係相差兩件啫… 」
同事：「咁舊骨二百幾三百蚊呀嘛！都係你叫我哋除咗壽司加少少熟食先加，咁不如就唔好要舊骨囉！」
因為太長篇，所以冇打到
所以我先話覺得個admin古古怪怪
本來係睇吓有冇網上柯南
橫掂打開就打埋，其實第一日我哋決定嘅時間除咗60件壽司冇其他，佢當時就話老細叫佢叫個到會，我哋話食唔曬叫佢散叫，就加埋法國菜諗住傾完繼續做嘢… 點知佢又話要試吓計吓如果壽司散叫會唔會平啲
我叫佢唔駛搞咁多，一定係貴好多，一件都講緊幾十蚊，每人最少都五百蚊
佢係唔信，係要我哋填散叫會食乜，佢再計數
所以點解我咁肯定同事主力係壽司就係咁解
佢仲係唔肯order, 仲print套餐出嚟俾同事睇… （Btw, 佢print個餐都冇誠意，又係喺我搵到間法國餐廳求其搵個餐）
咁究竟邊個想食？我唔排除當日有黑馬跑出，有人明明7件壽司都夠，發揮小宇宙一食就可以食曬全部嘢，佢想打包都冇得打包
day 1全公司人諗住淨係食壽司？
2個讚
係，佢哋成日話我大食，所以我feel到佢哋好細食
有人話咁都夠飽，我緊係唔敢加嘢啦
我其實可以食到14件
不過我夜晚都有下場
我預咗加法國菜，我有機會要幫其他人包底…
其他粉麵pizza我都唔食，一來太肥、二來真心食唔落
我擔心都好合理，唔夠食嘅人只會得我同另一個同事究竟admin係點樣演繹“我哋唔夠食”呢？
當然會計係控制公司財務,但Admin隨時做少少野都可以攪到會計出大事. 感覺樓主公司Admin好似咩雜項工作都做…
你誤會,我以為公司Admin掌管公司網絡人員,冇諗過其他職位都可以叫Admin.
你終於透露自己唔食粉麵pizza啦？
3個讚
我都係睇到有哩個問題問吓啫
我做人哋條𡃁嘅純粹講下個人意見，其實聖誕節一班同事們一齊食個晏，一開始淨係諗住食壽司，冇其他食物就寡咗多喇嘛？
乜唔係通常好多款食物嘅咩？
我唔係講有三文魚，吞拿魚，蝦，赤貝帆立貝咁好多款喎，係壽司，pasta，pizza，有肉（例如ribs/雞翼)，燒賣魚蛋煎釀三寶etc 嘅多款喎
不過家有家規，可能成間公司嘅人都咁團結淨係想食壽司啦 
9個讚
我都覺得好寡，day1我係跟大隊人食乜我食乜，連每人究竟有幾多件壽司食我都冇認真計過
Day2, admin話老闆問我哋咁少嘢係咪飽，我先除吓究竟每人有幾多件… 我就同你一樣覺得7件壽司其實好少，就問佢哋：「吓！真係夠飽架喇？？？」
佢哋回應係：「係呀！我夠架喇！」、「可以食多少少！」、「其實我叫個烏冬都夠曬飽，食唔曬你幫我食埋佢」
我：「我平時食到14件壽司…」
佢哋：「嘩！」
證明有人食粉麵飯喎
1個讚
我睇上面嗰啲留言，你如此有影響力，無理由唔一早出手，來吧倒轉寫字樓㗎
5個讚
哈哈，我就係冇影響力，先怕俾人擺上枱嘛🥲
可能人哋年年都係叫咁少嘢
陣間俾人炒咗就係因為浪費食物咪好唔抵
我頭頂盞燈壞咗成個禮拜，admin都唔理，何來影響力丫我？
佢淨係喺個櫃搵隻mouse俾我都要我等一個禮拜
如果我有影響力，我第一件事就同佢哋講叫千x味
1個讚