話說公司上個月請咗個新admin, 佢本人觀察力好差、又唔醒目、效率又低(問佢有冇第二隻mouse, 可以等足一星期再問先有mouse用)…
3日前, 老闆叫佢安排聖誕節到會, 我哋細公司人唔多。我哋話佢知我哋想食壽司, 已經直接俾咗嗰間壽司店電話佢叫佢order某個我哋指明嘅餐。
佢玩咗3日今日終於order到… 佢order咗間壽司再加另一個西餐package, 而個package佢係冇問過同事食唔食, 我就覺得會剩返個package冇人食…
我估佢問老闆approve嘅時候講咗大話, 話我哋唔夠食…
大家覺得可以點算?
補充:
我問佢會唔會太多, 唔應該叫咁多
佢就答我一句: 「多得劑, 咪打包返屋企當晚餐囉!」佢完全唔覺自己有問題 
你公司出幾錢請admin先 
如果得13k都差唔多架啦 
應該唔只13K卦
起碼都17k啦 
同老闆反映下 
等1星期先有mouse用好誇張
會唔會係可能佢唔食壽司？
新人唔熟路？被動？
如果我係員工知今年到會有多個選擇點都會食幾啖（明白會有食物食剩）
同埋老細無出聲就唔理…
我初頭都以為佢被動, 所以幫佢問曬同事, 俾曬主意佢。但係最後佢就唔聲唔聲自己搾主意…
仲要利用我哋過橋叫自己想食嘅嘢…
即係如果食唔曬就關我哋事
俾佢咁搞一搞, 我怕到春茗, 我哋會冇啖好食
等食，唔好理
咩admin咁高人工？
做咗好耐嘢定點？
如果只係啱啱岀嚟一，兩年值得原諒嘅
睇定啲先啦
多啲留意下佢
廢事佢有機會自己打斧頭但賴落你地到
呢個好笑 
咁可能佢只係想公器私用，希望有好多野打包拎返屋企開party 
我都想我老細咁易話為，話加多個餐就加 
佢都講埋個原因出嚟啦，佢想打包返屋企食囉。
佢唔係怪，係懶+貪小便宜，正常過正常。
冇既 佢慢果d咪催佢囉 迫佢習慣速度
但叫多個餐果d我就覺得無乜所謂 佢又唔係冇嗌到你地要食果個餐 佢又叫到老闆approve 咁咪得囉 
佢加個餐之前, 做咗樣好怪嘅嘢…
佢:「老細話你哋叫得太多壽司, 要由60件減到40件」
我:「唔得喎, 咁咪每人先得5件? 仲要冇咗中吞拿魚壽司…」
佢:「咁我同老細講你哋唔夠食!」
跟住佢就唔聲唔聲加咗呢個4-6人餐…
所以最後係40件壽司+4-6人西餐？
咁佢一定係想自己打包返屋企
你地到時食唔曬都要打包返屋企，唔好比佢一個人拎曬，如果唔係佢就次次都係咁做
最後係60件壽司+兩隻燒春雞+一盤西菜(其實我已經預多咗)+佢個4-6人聖誕餐!!!
我唔會打包, 個個人都夾過食過咁肉酸, 我仲要同佢劃清界線添呀! 搵我哋嚟過橋!
可能佢個4-6人聖誕餐到時唔會拎出黎，自己直接等拎返屋企 
一間正常公司admin係好重要位置,可以講係一人之下,正常應該係高人工啲.
我覺得佢根本就係咁諗，食唔晒可以自己打包返屋企
我公司有時搞嗰啲午餐會，個security姐姐直情誇張到第一輪嗰陣時已經攞咗幾啲盒出嚟夾嘢食打包