我仔仔有呢兩間幼稚園K1 offer，老公覺得救世軍嘅幼稚園好有愛(仔仔本身讀緊另一間救世軍N班)，但我自己偏向想仔仔入迦南，因為覺得佢好似ok醒，如果讀得上應該讀有深啲課程嘅迦南…我聽過呢兩間學校嘅家長意見，各自都話自己學校好，但有啲原本讀迦南嘅小朋友因為覺得學校太谷而要轉去救世軍，所以我有啲十五十六…
但其實仔仔得個兩歲人仔都唔知佢係咪真係叻仔，定係只係媽媽有bias覺得自己小朋友好醒，即係自己覺得自己個仔好靚仔但實際上係唔靚仔嗰啲
幫推
我諗係視乎升小你想佢點？
我自己會揀迦南，因為見太多媽媽喺幼稚園話happy 點知去到面對升小壓力就突然轉跑道，由happy 轉谷，全家大細都辛苦
謝謝幫推 
我諗香港好難有完全Happy嘅小學，好似點happy都chur對嗎？所以我想仔仔如果係讀得掂就讀迦南…不過聽到啲家長講有啲小朋友頂唔順要轉校，坦白講我自己都諗“咁誇張？” 
但又諗可能係針未拮到肉唔知痛 
X2
我都會揀迦南
Happy幼稚園只會令小學大小都痛苦，比較之下學術性強的幼稚園，上到小一都可以食下老本，我女當時都有兩間長全日的愛心幼稚園收佢，但學術(尤其英文）無迦南咁強，最後take迦南offer。
一路讀上來都認為當初選擇好正確，k3上學期老師已簡單幫小朋友堂上默生字，又要小朋友show and tell，閱讀報告，每日有英普堂，上小學都會適應得好好，因為k3已經做緊小一會發生的事情。
1個讚
兩間都唔係 chur 唔係深。
如果你係等自行、派位，都唔太追求入咩學校，咁救世軍就得。如果你係有少少想試下啲直私，或者你唔甘心讀二三線學校想搏下，咁入迦南，唔係因為佢學術高（談不上高，山外有山，正常 level 啦），而係呢間相對多啲人外闖考學校，學校支援會好啲，你又有機會見到多啲類似部署嘅家長。
1個讚
始終都係學卷學校，又唔會深到要轉校咁誇張。
但我大嗰個係讀happy school，佢都話妹妹學校教啲英文字同中文字教得咁深，但小朋友係唔會覺得辛苦，學校派功課，佢哋就做，又學得好開心，好願意自己睇書做報告，帶玩具返學校show and tell。
1個讚
我覺得單憑呢個point 係迦南 
起碼之後唔會後悔 or 正如樓上講會唔甘心
老豆多數都無所謂or prefer happy 嘅，因為之後要谷/升小所有嘔心瀝血嘢都係老母負責多
就咁睇你都清楚自己想點
睇下有冇jm 留言share 兩間嘅comments 再get full pictures la 
4個讚
冇錯，exactly係我開post嘅原因呀 
1個讚
啲老豆諗返起以前細個被迫讀書，就會有三個錯覺：
- 哎呀，咁細個唔好迫佢啦，咁多野做
- 佢話識就係識，洗乜溫咁多次
- 佢會開竅架喇，我以前都係中學臨會考先開竅，咪一樣好地地
似乎野生捕獲咗個心很累嘅老母 
迦南
之前我係用家，性價比高
小學扣門成功，我覺得幼稚園時間學深少少上到小學一年級冇咁辛苦