話說我同99同住，另外有請保姆姐姐平日幫手湊B
阿仔7月大，仲食緊奶粉，我有試過幫BB開始加固但BB唔係好肯食，所以就想暫時繼續餵奶粉先，等BB長肉，而且7月尚早都唔急住加固，保姆姐姐都認同我，但奶奶就好堅持要餵糊仔，要BB盡快學識食飯……
依家好頭痛，99真係好煩
佢好堅持要快d進行加固，話等佢餓個陣就自然會食，但我唔想咁樣逼BB，擔心佢唔敢食會影響到佢發育……
去健康院見姑娘/睇醫生果時帶埋99去, 好多野由專業人士講出口長老會受D
6個讚
加固唔一定要食糊仔
可以試下生果蓉，睇下BB肯唔肯食
4個讚
唔好意思我覺得七個月未加固係要留意下，我記得呢件事係因為同月BB有人七個幾月都未加固，結果係要見醫生。
我搵唔返當時資料，只能Google衛生署條link比你睇下。
https://www.fhs.gov.hk/tc_chi/health_info/child/14727.html
怎樣知道寶寶已預備好進食固體食物?
（觀看相關短片：http://s.fhs.gov.hk/m0g7h）
當寶寶有以下的表現，他便可嘗試進食固體食物：
活動能力
- 靠椅背坐起來；
- 能抬起頭部；
- 能伸手抓物件。
進食表現
- 對食物感興趣；
- 表現出十分想吃的樣子；
- 看見匙羹便張嘴；
- 把匙羹放進寶寶的口裏時，嘴唇能合起，含著匙羹；
- 能閉上嘴巴吞嚥食物。
寶寶發展的步伐快慢各有不同，但將近六個月大時，大部分寶寶都會有這些行為。
若寶寶已七個月大還未有這些表現，家長應請教醫護人員。
14個讚
7個月未加固又真係要留意下wo. 可能未必餐餐食曬啲食物，但點都要開始比佢。 樓主話覺得7個月尚早未洗住係睇邊度資料ga？
米糊係好難食，有冇得食下其他嘢？
3個讚
正常7個月係要開始加固啦，我個女半歲返健康院，姑娘已經話要幫佢加固
阿女一開始都唔係好肯食，姑娘教要試好多次，唔好放棄
剛開始食少少唔夠飽就補奶，慢慢會越食越多，食夠一碗就可以唔洗補奶
7個月大加固唔算早架喇
Bb唔食糊，可能係口感問題，有啲bb要食傑身有啲鍾意稀，可以試唔同牌子唔同溫度開
又可以俾一包包啲唧唧果蓉，食稀粥，如果finger food就可以食烚淋菜心/粟米芯
2個讚
我都覺得7個月要加到固，可以試吓俾稀粥，我啲小朋友都唔食糊仔。
BB其喺6個月就應該開始加固㗎喇
7個月真係算遲，太遲加固仲有可能影響bb營養均衡同口腔肌肉發展甚至影響說話能力㗎
真係建議你帶埋長老去見一見健康院姑娘
3個讚
6個月開始可以餵糊仔
如果唔食粉開嗰啲可以煲粥。
可以餵水果蓉（壓爛蘋果、好林嘅啤梨、香蕉容）、蕃薯蓉、南瓜蓉。甚至現成啲bb食物。
其實6個月已經好適合，我哋十幾年前湊已經話6個月，而家有啲人四個幾月開始添
保母梗係認同，因為佢打工咋
3個讚
加固原因好多，其中一個較少人講係鐵質。
Bb 出世4-6m 儲響肝嘅鐵已經用得7788, 所以要外來食物幫助（奶粉一來吸收差、二來已經唔可以滿足所需）唔夠鐵會影響腦呀！
6m 都已經唔早，而且bb佢哋要學習吞嚥咀嚼、發展肌肉去學講嘢。加上初初Bb 加固，有吐舌反應，只係吞都可能學幾日、1 星期。
你每日比1-2tea spoon 佢、可以cereal、fruit / veggie purée。
「嬰幼兒因為發育迅速，容易出現缺鐵問題，造成缺鐵性貧血，妨礙成長。衞生防護中心在最新一期的《非傳染病直擊》建議父母為嬰幼兒準備的飲食應保持均衡，注意有否攝取足夠鐵質，尤其要提供含豐富鐵質的食物，例如蛋黃、深綠色葉菜、肉類及魚類等。至於兩歲或以上兒童，已可根據健康飲食金字塔的建議進食。
防護中心提醒家長，嬰兒在六個月後，單靠飲奶已不足以滿足他們的營養需要，尤其是對鐵質的需求。父母應在嬰兒六個月大開始提供含豐富鐵質的食物，例如蛋黃、深綠色葉菜、豬或雞肝、肉類、家禽、加鐵嬰兒穀物、乾豆、豆腐及魚類，這些食物容易壓成蓉狀，方便嬰兒進食。世衞亦建議六個月至兩歲的幼兒，日常膳食應包括水果及蔬菜，亦應每日食用或盡量經常食用瘦肉、去皮禽肉、魚或蛋。
部分兒童或成年人有選擇服用補鐵藥丸或相關補充劑，防護中心提醒市民，補鐵藥丸有機會影響身體吸收其他礦物質及引致腸胃不適，甚至會與某些藥物產生不良的相互作用。若長期攝取過量鐵質，亦可引致多重器官衰竭，甚至死亡。中心建議市民購買或服用任何鐵質或其他膳食補充劑前，要先諮詢醫生或註冊藥劑師的意見。」
8個讚
你99講得無錯喔，7個月仲未加固算遲啦
台灣好多4個月就開始加固啦，唔係話越早越好，只係真係要咩都要俾佢試下咁
咁佢今日唔食，咪聽日再試下餵第二樣糊，你要日日都要俾佢試，試下試下就可以代到一餐奶
講真，再唔開始加固，定時佢再大啲唔肯咬野，仲有排你煩
1個讚
認同上面，7個月係應該開始加固
我其中一個小朋友唔鍾意糊仔，會想嘔咁
所以煲粥仔比佢食
試下整白粥，加啲肉片（味道，唔食架）
少啲水，「傑」身啲
你啲資料邊度睇番黎架？掉左佢啦
7個月仲未加固已經算遲啦！！！
其實健康院啲書仔都有教架
1個讚
剛剛加固有D bb會抗拒
但仍要做的
7月唔早啦
7個月加固唔算早啦,
正常6個月就要加固
你話你個保姆姐姐都認同你
我諗都係因為bb唔想食都係難搞,
佢都唔想煩咪認同你囉
但唔代表你奶奶唔岩喔
知道有d bb剛加固係好抗拒
但都唔可以因為佢抗拒就唔加
咁對佢發展都係唔好
加油啦 媽媽 捱過就好 
3個讚
我啱啱生完，我兒科醫生都係千叮萬囑我四個月開始就要留意
BB發展，最好四個月開始就加固。應該係同樓上講嘅鐵質有關，亦唔知係咪而家新興嘅醫學知識。
3個讚
7月其實可以始加固，加固吾到可能有好多原因，例如奶粉問題
我都贊成吾應該逼BB，應該要搵出加固吾到既原因
其實可以餵少少，餵一啖都可以，慢慢轉，逐步嚟。
係，其實係時候要加固架喇，而且唔好諗住加固=食糊仔，好似樓上咁，依啲都可以慢慢逐啲逐啲試喇。
我小朋友都唔係好鍾意食糊仔，但唔代表佢唔加到固，慢慢摸就會搵到佢鍾意乜