純粹想睇下有冇人用緊呢部多功能廚師機，岩傾既入黎討論下，有問題既一齊研究下。
純討論，謝絕傳銷
我上年買左。我本身少煮飯，睇demo覺得幾正又可以幫我慳返煮野時間，但真正用起上黎係2回事，覺得好難掌握點先用得好，整完既餸都唔係個回事，用到好灰。煮個餸都煮到一pat野咁，試過炒雞肉，最後變左雞肉鬆，比C6笑足成晚，後來問返原來係唔可以炒雞，要蒸雞肉之後先再落鍋度搞幾秒，咁好似仲煩過我用鑊自己炒。煮咩餸都係好多水，無鑊氣，只係撈埋一碟野。C6唔鐘意用佢整出黎既餸
覺得佢煮西湯個d比較適合，始終係德國發明，唔係for中式餸菜用
唯一係試過整斑蘭咖椰醬最成功
而家擺多過用，覺得好浪費。同埋覺得要洗都唔係demo講既咁易
隻C6當初好反對我買，而家唔敢賣返出去，實比我隻C6鬧爆我
1個讚
我唔係顧問，9月買咗，覺得好好玩，唔會樣樣餸都放落去玩。我主要用嚟取代KA
1個讚
so sad! 最慘俾死佬串！
不過你唔問番你顧問點煮？同埋好多群組都有呢部機既食譜，睇多D唔好嘥左佢嘛！最主要叻番俾死佬睇！
我就晚晚都用佢煮飯+送，一個月開唔到幾次電磁爐。
試多D啦
聽過台灣用家講: 小美係萬能，但唔係樣樣都精！
我好同意呀！所以我都唔會用佢黎炸野/煎牛柳粒之類，但整甜品糕點真係快靚正！
八卦吓幾錢一部啊？
我一星期都煮唔到一次飯，所以同佢唔係好熟，我又得一個主鍋，每次煮完一樣要洗乾淨先再煮第二樣，續樣續樣煮，唔知點解感覺好似仲耐過我用鑊煮咁
同埋我有時想快開飯，小美炒緊餸，就會同時間開鑊煮其他野，又會用埋電蒸爐蒸餸，最後就會變左好多野要洗
真係要請教下點可以只用佢黎整一餐飯
你煮咁少其實唔洗買，我星期一至五日日煮午餐及晚餐，再整下麵包、甜品
1個讚
我見到一d sales既相同好評都覺得好吸引，講到佢萬能咁，佢又話可以一次過整2個餸，好似慳好多時間咁，我都想知d人真實用後感！
好多人都話我地食得簡單清淡，2人家庭係咁上下啦。
分享下我既煮飯流程啦:
1830 番到屋企，開水沉菜
1845 洗米、開機20分鐘煮飯
1855 用蒸籃蒸雞
1905 煮完飯，放入微波爐保溫，繼續蒸雞多10分鐘
1915 蒸完雞攞開蒸籃，用番米水煮菜
1925 開飯
前提係要醃好肉，我就通常之前一晚諗定第二晚食咩，預備定，咁第二晚就流暢D。
一個蒸一個煮既就得啦
如果我餐餐都蒸餸，隔離個個就會話似食病人餐
所以我都係煮飯時上面蒸餸，再開鑊炒其他餸或者開焗爐焗野
每次洗野時就覺得要洗好多野，反而碗碟就唔多。個日煲埋湯，仲要洗多個煲
煎／炸／焗係做唔到
不過佢堅係快既，烚菜7，8分鐘內完成，同唔洗睇火但要睇時間去加材料，同埋要間唔中去撈下d餸，部機會搞唔混
我覺得煮大份量既要分幾次先得，主鍋唔可以一次過煮太多
都唔使餐餐蒸既，呢個餐單係最快，預備我地食完8點可以出街啫。
糖醋排骨、宮保雞丁、泡菜炒豬腩片我都成日煮，配個清清地既油菜，幾夾吖。
湯我就通常食完飯用佢黎煲，第二朝起身番熱飲一碗先出門口，淨左既成煲放入雪櫃，收工番黎成煲番熱，食飯前飲，所以我個電湯煲都掉左喇，唔好阻地方。
我日日早出晚歸好難煮到飯，只可假期煮，所以絕少用到。有時覺得佢係幾方便，但有時又覺得好難掌握點用，覺得好煩惱。而家封塵ing，好浪費
btw，如果跟食譜煮，e.g.佢寫用300g豬肉，但我買舊肉都唔止300g，再加埋其他材料，都over食譜個份量，咪要分開2次去煮？我試過唔跟食譜份量，個鍋搞唔到d食材，底下個d就煮到爛晒，上面個d就煮唔到未夠熟咁，一係撈唔均勻
你有無買多個主鍋係for整甜品？
有時間心情就用啦，唔好咁大壓力。
我D份量都唔太跟足食譜架，當然唔會佢寫300我放600啦，450左右我都會。
其實我唔係成日跟佢食譜，懶得搵，都係用番平時煮野既方法。如果攪唔郁係咪真係太多？你有冇用反刀？或者真係上下反唔到，我會停機用刮刀攪幾下，人手幫佢反。如果栗子炆雞呢D，我就會蒸下D栗子，等佢快D淋。好多方法既。
我買機時有特價加錢買多個鍋，不過都係放多過用，通常一個走天崖。
咸、甜、打粉、麵團、煲湯、杏仁奶咩都係用果個咋。