有咗小朋友之後入咗lego 坑，係幼兒系列大大粒嘅duplo 系列
雖然知道淨係玩到幼稚園時期，唔係玩得好耐，但覺得啲人仔同動物figure，仲有啲特別bricks 好得意所以忍唔住買咗好多
反而對佢啲正常積木無興趣，好似本末倒置咗 不過有時見小朋友砌到d 是但不知名物體都會覺得好滿足 
唔知有冇人都入咗坑，交流下邊度買，有咩正collections etc 
2個讚
我都入咗坑~~
其實係玩具我都好易入坑。
3個讚
一齊沉淪啦～～
最近買咗咩好嘢？
Duplo好玩呀，我玩得比啲女仲開心，結果俾啲女嫌棄（話我唔跟佢地指示）
成日心思思想買多幾盒自己玩
主打frozen系列…
嚟緊聖誕都係買frozen 千幾蚊個SET…
不過大多都係carousell同人買比出面啲平。
I know that feel bro 
「媽媽唔好咁砌！！！」跟住哥斯拉式咁拆咗佢 
你仔女幾大？有冇過渡去regular lego 呀？
我每次買新duplo 都會因為呢樣嘢而覺得好矛盾
咩樣嘅？我玩幼兒版唔識正常lego
我未試過carousel 呀，幾次都係google 個lego code ，然後搵到啲樓上or 工廠鋪，發現門市真係mark up 好多
我個囡會用啲人物投射內心感受同諗法。duplo 真係值得買
Google 咗佢背面好正喎 
諗住放假砌？
係呀，我哋都係鍾意玩果啲人仔多啲 
我而家好多人仔
呢個role play 好好呀，仲有唔同人，可以自己作埋回應添
1個讚
之前LEGO出左公主系列,好抵玩,大約200蚊盒~
我都鍾意 Lego 啊，只係太貴而且冇地方擺。
諗返起以前細個對 playmobil 係好著迷，親戚屋企好多盒，但因為貴到七彩所以父母唔畀買，有次親戚買左一盒送畀我，係呢盒，我到依家都仲記得
個水泉係有個膠管，真係可以放水入。獨角獸個角係軟膠，我玩到佢斷角
除左學識睇指示砌模型（呢個技能好重要，畢生受益，習慣睇指示，將來讀書都會習慣睇題目），仲可以玩角色扮演。扮演嗰陣可以拍下片，練習下講故事技能。我見唔少小朋友都有自己作個故事情節，然後錄低就 upload 上 Youtube。玩之餘又可以鍛鍊下，一舉兩得。
6個讚
多謝你分享美好嘅童年回憶 
feel 到你果種開心同鍾意
呢盒playmobil 都係屬於大盒多配件嘅嘢，你親戚都好錫你呀，佢哋知道你咁鍾意同記住都會好開心（唔係話爸媽唔錫，只係上一輩爸媽嘅錫好少透過買嘢嚟表達）
佢K3咋
Regular lego佢跟左說明書砌左之後就唔肯拆，所以少玩（同埋regular lego踩到實在太痛
）
Duplo應該仲可以玩多幾年
1個讚
嗰陣應該得七八歲，同親戚入到去高檔 playmobil 店，親戚想買畀個孫玩，但父母當然唔會買，始終係貴而且佢哋唔鍾意呢啲「唔等洗」嘅野。見到佢個孫有一盒，我就話我都想要。父母喝止，但我都開到聲而且又鬧鬧地情緒，咁所以親戚就買埋一盒畀我。事後當然父母鏟到我上天花，但嗰盒我玩左都幾乎兩年，最後個水泉膠管爛爛地同埋阿媽見到我玩玩具覺得幼稚/佔用空間，所以一下子丟曬。
依家有時候見到啲切模型/lego 嘅野都心痕想買黎玩，不過切完我唔捨得拆，但冇地方擺，都係睇下過癮就算。
1個讚
老公細個比奶奶掉咗好多lego, 而家狂買比個仔填補佢細個嘅遺憾
呢度只係少部分，都有一大堆無擺出嚟，通常佢會去inspoint買，齊款又平啲，有時會同仔去lego store執材料，因為佢鐘意由零開始砌
3個讚
老公係LEGO迷，O係美國時有地方所以砌左好多，又O係倉收埋好多，返黎香港時賣曬。返到香港都成日睇，但忍住有D無買。
依家有幾部TECHNIC等我有時間就會同佢一齊砌。
1個讚
我對duplo完全沒興趣，係買左第一套6+ 比小朋友之後就鍾意咗Lego! ！
佢D產品真係好detailed，勁靚，18+ 嗰啲仲靚，不過砌完又唔想拆，但又沒咁多位擺。。想買Harry Potter嗰set但就唔知可以放邊。。
1個讚
我老公都係童年缺失，但佢勁買figures，又係同個仔去行Inspoint
2個讚