雖然我未有小朋友, 我諗這個算係其一個必需要有共識嘅位? 唔知有無已為人父母分享吓你哋嘅做法同見聞? 平時俾手機/pad/電視為多?
眼見身邊唔同做咗父母, 對小朋友screen time做法都有好唔同嘅做法
例如:
4-5歲-俾佢每日睇1個鐘, 限制教育片
6歲-平日完全唔睇, 星期六日任睇所有片
4-5歲-開始打機, 幼稚園個個都玩mindcart, 所以一齊玩
另外, 分享一個剛看到的FB post, from POPA Channel 
講緊screem time無想像中影響咁大, 家庭背景影響多幾倍, 唔知大家有無啲經歷都可同大家分享吓? 
讓準備/剛成媽媽的, 都可以吸收到經驗 
Screen Time 心裡委屈，但 Screen Time 不說
過去唔少研究都將 Screen Time 同小朋友嘅行為問題、睡眠質素、成績等扯上關係……之但係，都有唔少人話「我都係電視汁撈飯大，又唔見我有事？」，到底 Screen Time 係咪真係洪水猛獸？百害而無一利？
美國科羅拉多大學波德分校就有一個追蹤了過萬個 9-10 歲小朋友的研究，畀咗一啲新嘅 Screen Time 啟示我哋。
就和很多其他研究一樣，他們發現 Screen Time 愈多，小朋友睡眠質素會較差，成績亦然，並表現出更多情緒或行為上的問題。但是，當他們進一步研究這些小朋友的其他生活環境因素，就發現 Screen Time 的影響其實十分之輕微。
研究發現，家庭社會經濟地位對小朋友行為問題的影響要比Screen Time大上2.5 倍；事實上，在研究有包括的影響因素中，Screen Time 的影響只佔整體的 2% 左右。
實際上，大部分相關研究其實都並未能證實 Screen Time 及行為問題有因果關係。舉個例子，當小朋友有嚴重行為問題，他們的父母可能更會用「電子奶咀」去安撫，而非因使電子產品而出現行為問題；又例如，由於其他原因無法入睡的小朋友，會用電子產品來打發時間，而非因使用電子產品而出現睡眠問題。
科羅拉多大學波德分校行為遺傳學研究所所長、資深作者約翰休伊特表示近年來不少論文表明看電子屏幕可能對兒童有害，但也有一些評論指出這些負面影響被高估了，而這次研究旨在指出 Screen Time 和負面結果之間存在關係，但它們並不大，也不可怕。反之，因為擔心 Screen Time 帶來負面影響，父母會容易忽略 Screen Time 在新世代有可能帶來的好處，例如是人和人的連結。
當然，要為 Screen Time 的好壞、長短下定論還需要更多的研究，但在擔心 Screen Time 又無法完全避免 Screen time 的同時，父母怎樣幫孩子善用科技，會不會更加重要？
2個讚
先講背景, 我小朋友3y1m, 放學後由婆婆公公湊, 佢地電視長開, 晚上我地自己湊, 電視少開, 正常睇下新聞果類
最初小朋友慣咗喺婆婆屋企睇電視, 就會扭開電視, 我地就挑選內容, 開national geographic, 睇大自然/動物, 另外都會睇兒童教學頻道, 小朋友都學到嘢
中期佢慣咗電視長開, 反而漸漸失去興趣, 見到內容無聊就會自己玩/睇書, 而家3y直情自己戒埋電視, 寧願叫我地陪佢睇書/玩
我覺得screen time唔係100% negative, 而係要睇你點運用
2個讚